Nạhum 2:13 - সান্তালী বাইবেল

¹³ Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”

Nạhum 2:13 Referans Kwoze

Nạhum 3:5

Phạdkoren Probhu Isore meneda, “E Niniwi, iń do am upạrteń teṅgo akana; amakʼ mẽtʼãhã hạbicʼ kicricʼ iń rakabtama. Amakʼ uluṅ do jạt jạtrenkoń ńel ocokoa ar rajosṭiren do amakʼ lajaoakʼtetʼge.

Jirimiạ 21:13

E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

2 Rapajko 19:23

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro darekom makʼ giḍiakada, ar ona reakʼ bir bhitrikorem boloakana,

Nạhum 3:1

Hae, ona mãyãm joro ocoakatʼ nagraha do, one onare eṛe ar luṭakʼ jiniskote perecʼge, onḍe do jaoge manwako gocʼ ocokʼkana.

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

2 Rapajko 19:9

Ạsurren raj Senakerib doe ańjomkeda, Kus disạmren Tirhak raj do acʼ upạrte lạṛhại lạgitʼe oḍok hecʼakana. Onate uni do goḍet kolkate Hiskiạ ṭhene roṛ gotʼkada,

Josuạ 11:9

Probhu Isor do Josuạ cetʼlekae hukumade tahẽkan onkage bạiriko cetanreye kạmikeda. Uni do sadomkoakʼ jaṅga sire getʼketʼtakoa ar rãt-gạḍiko doe jeretʼ giḍikada.

Nạhum 3:12

Amakʼ sanam gaṛko do bele jote perecʼ loa dare leka; jãhãege onae rukui uniyakʼ mocarege ona do ńurokʼa.

Jeheskel 39:1

“E manwa hopon, Gog upạrte am do noa nạbi katha roṛme, Probhu Isore menetʼkana, ‘E Mesok ar Tubạlren maraṅ disạm cakʼlaoyicʼ Gog, am secʼ do bạnuńa.

Jeheskel 38:3

Probhu Isore meneda, ‘E Mesok ar Tubạlren maraṅ disạm cakʼlaoyicʼ Gog, iń do am secʼren doń baṅkana.

Jeheskel 35:3

Probhu Isore menetʼkana, E Seyir buru, iń do am upạrte minạńa; iń do am upạrte tiyiń tultińạ ar ujạṛ utạrakʼ ṭhạ̃igeń hoyocomea.

Jeheskel 29:10

Ona iạte am ar amakʼ gaḍa reakʼ sanam dakʼko upạrte minạńạ. Iń do Migdol khon Seyene, metakʼme Kus reakʼ Simạna hạbicʼ Misor disạm do ujạṛakʼ ṭhạ̃igeń hoeocoya.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jeheskel 28:22

Probhu Isore menetʼkana, ‘E Sidon, iń doń am upạrten kana; am upạrte okań cekae onate ińakʼ ṭhonok do sodorokʼa. Iń do tinre amiń sạjạimea ar am talare ińakʼ sonottetʼ iń sodortińạ unre amren hoṛko baḍae daṛeakʼa, ińkangeạń Probhu Isor do.

Jeheskel 26:3

Ona iạte iń Probhu Isorgeń menetʼkana, ‘E Tur, am secʼ do bạnuńa. Jalapuri cetʼ leka ḍheokoe rakapʼ ocoy onkage iń hõ am upạrte ḍher jạtrenkoń ạgukoa.’

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jirimiạ 50:31

Iń phạdkoren Probhu Isorgeń meneda, E bạḍạiyicʼ, ńelme, am birudrege minạńa, ente sạjại ńam reakʼ din do seṭer akantama.

2 Bõsbudạ 32:19

Onko do manwa titeko benaokʼ dhạrtiren sanam jạtkoren debotako reaṅ okako roṛketʼ onkage Jerusalemren Isor reaṅ hõko roṛkeda.

2 Rapajko 18:19

Unre Rabsake do onkoe metatʼkoa, “Hiskiạ do noa kathape metaea, Asurren raj maharaje meneda, ‘am do cetʼ cetanrem bhorsakʼ kana?

2 Rapajko 18:17

Asurren raj do Lakis khon Tartan, Rabsari ar Rabsaki noko pene hoṛ do maraṅ utạr lạṛhại phạdkoante Jerusalemren raj Hiskiạ ṭhene kolkatʼkoa. Onko do Jerusalemte senkate dhubi ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhenko teṅgoyena.

Josuạ 11:6

Unre Probhu Isor do Josuại metadea, “Onko do alom botorakoa, ente gapa niạ okte bhitrite Israelko samaṅre onko sanamkoń marao cabakoa. Ar am do onkoren sadomkoakʼ jaṅga sirem ged takoa ar rãt-gạḍikom jeretʼ giḍikatakoa.”

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jeheskel 13:8

“ ‘Iń Probhu Isorgeń meneda, onkoakʼ eṛe katha ar eṛe dorson lạgitʼ iń do onko upạrte minạńa.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

Nạhum 3:15

Seṅgel do onḍe ame jommea; ar tarwaṛe doe samakʼmea ar jarkharetʼkan pohoko lekae marao utạrmea. Am do makʼraokan ar jhãke jhãk pohoko leka lekhate saṅge idikʼme.