Nạhum 2:11 - সান্তালী বাইবেল

¹¹ Onko dhạcri kulkoakʼ dander ńitokʼ do okare menakʼa, one okare akoren hoponko nunuako kan tahẽkan, ar onḍe dhạcri kul ar kul eṅga do hoponko salakʼ khạtirjomako tahẽkana?

Nạhum 2:11 Referans Kwoze

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Nạhum 3:1

Hae, ona mãyãm joro ocoakatʼ nagraha do, one onare eṛe ar luṭakʼ jiniskote perecʼge, onḍe do jaoge manwako gocʼ ocokʼkana.

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Joel 2:6

Onko ńelte jạtrenkoakʼ monre jontrona hoyokʼkana; sanamkoakʼ mẽtʼãhã do mirluṅ akantakoa.