Nạhum 2:10 - সান্তালী বাইবেল

¹⁰ Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Nạhum 2:10 Referans Kwoze

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Joel 2:6

Onko ńelte jạtrenkoakʼ monre jontrona hoyokʼkana; sanamkoakʼ mẽtʼãhã do mirluṅ akantakoa.

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Jirimiạ 30:6

Ape do kulijoṅpe ar ńelpe, herel hoṛ do cetʼ kukhire gidrại janam daṛekea? Enḍekhan cetʼ iạte daṛean herel hoṛ do bedonokʼkan maejiu leka lacʼ cetanre ti capo akan ar sanamkoakʼ mẽtʼãhã do mulin akaniń ńeletʼkana?

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Sephaniạ 3:6

Probhu Isore meneda, “Iń do jạt jạtrenkoń marao akatʼkoa; onkoakʼ usul pahra oṛakʼ hõ marao akana. Onkoakʼ hor doń ujạṛ akatʼtakoa; celege onare do bako dãṛãnkana. Onkoakʼ sanam nagraha do marao akana; onḍe do celege bạnukʼkoa ar celege bako girobasokʼ kana.

Nạhum 3:7

Am ńelte hoṛ do mẽtʼãhãko ạcurtakoa arko mena, ‘Niniwi do maraoena, ar ona lạgitʼ do okoeye homor halaṅa?’ Am lạgitʼ jiwi rakʼṛecʼicʼ do okareń ńamea?”

Jirimiạ 51:62

Ar ona tayomem mena, ‘E Probhu Isor, am do niạ ṭhạ̃i marao reakʼ katham meneda, onate manwa se janwar okoe hõ celege bako basokʼa; noa do jaejug lạgitʼ ujạṛ akange tahena.’

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Genesis 1:2

Unre dhạrti do nonkan muṭhạn bae ńamakatʼ tahẽkana, onare jiwiyanakʼ mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.

Jirimiạ 8:21

Ińren hoṛko lạbṛukʼente iń hõń lạbṛukʼ akana; iń doń homor halaṅetʼkana ar bạṛicʼ botor sapʼakadińạ.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Jeheskel 31:15

“ ‘Iń Probhu Isorge arhoń menetʼkana, oka hilokʼ Seolte ona pheḍena enhilokʼ uni lạgitʼ homor halaṅ reakʼ cinhạ lekate ona athantar dakʼ iń dapal esetʼkeda; iń do ona reakʼ sanam ạtukʼ dakʼkoń thir ocokeda, onate ona reakʼ sanam dakʼko do teṅgo thirena. Ona lạgitʼ iń do Lebanoniń homor halaṅ ocokedea ar uniyakʼ bir reakʼ mitʼke mitʼ dare do loraoena.

Nạhum 2:2

Dhaṅ dhakʼserko do Israelko ujạṛ akadere hõ ar uniyakʼ darkha bagwanko marao akatʼtaere hõ Probhu Isor do ńit hõe Jakobren kangea, metakʼme uni do Israelakʼ lahateakʼ ṭhonoke ruạṛkataea.