Nạhum 2:1 - সান্তালী বাইবেল

¹ E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.

Nạhum 2:1 Referans Kwoze

2 Bõsbudạ 25:8

Onkom idi torako ar dil salakʼem lạṛhạilen khan hõ bạiriko ṭhen Isor doe bhagao ocomea, ente jitạu ocome se bhagao ocome reakʼ dare do eken Isorakʼge menakʼtaea.”

Jirimiạ 50:23

Goṭa dhạrti reakʼ hạtuṛ do rạputʼ kạtra kuṭrạyena. Babel reakʼ dosa ńelte sanam jạtren hoṛ doko ṭhak utạrena.

Jesaea 14:6

Uni do kurkurạukʼ edrete jạt jạtrenkoe ńẽtʼetʼko tahẽkana, one baṅ thirokʼ ńẽtʼkotege. Uni do edrekate jạt jạtrenko cetanre mạlikiye calaoetʼ tahẽkana, ar santaokateye domonetʼko tahẽkana.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Sereńko 65:2

E koejoṅ ańjomicʼ, am ṭhenge sanam manwa doko hijukʼa.

Jesaea 29:7

Unre sanam gad gad boṅgan hoṛ jạtrenko okoe do Ariel upạrteko lạṛhạikan, metakʼme okoe do uni ar uniyakʼ gaṛ upạrteko lạṛhạikan arko cipạyede onko do kukmũ ar ńindạ reakʼ dorson lekako hoyokʼa.

Jesaea 29:8

Reṅgecʼ akade hoṛ kukmũte jom mae jojomkan, menkhan ebhenlenre ńelme, reṅgecʼma tahenkange. Ar tetaṅakade hoṛ kukmũte ńũ mae ńũńũkan, menkhan ebhenlenre ńelme, uni do nijor ar tetaṅedekangea. Onkage onkoakʼ hõ hoyokʼtakoa sanam gad gad boṅgan hoṛ jạtrenkoakʼ do, one okoe Sion buru upạrteko lạṛhạikan.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’