Nạhum 1:14 - সান্তালী বাইবেল

¹⁴ E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Nạhum 1:14 Referans Kwoze

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

Mikạ 5:13

Am bhitri khon goṛhon muṭhạnkoń rạputʼ giḍikakʼa ar amakʼ sewa khunṭiko hõń maraoa; amakʼ tite benaoakʼ jinisko do ar bam pujạwakʼa.

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

2 Rapajko 19:37

Mitʼdin Senakerib do acʼren debota Nisrokakʼ mundilreye dewa sewayetʼkan tahẽkanre Adramelek ar Sareser ńutuman uniren hoponkin do onḍe bolokate tarwaṛete unikin gocʼkedea ar Ararat disạmtekin dạṛkeda. Ar uniren hopon Esarhadon do raje hoyena.

Daniel 11:21

“Okoe do raj hoyokʼ reakʼ ạidạri bae em ocoakan nonkan mitʼṭen nihạ̃ticʼge uniyakʼ jaegare raje hoyokʼa. Ar hoṛko do khạtirjoma tinreko tahena unrege uni do soṛojontro talate rajosṭiye dokhol joṅa.

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jesaea 33:13

Okoe sạṅgińre menakʼpe, ape do iń okań ceka akatʼ ona ańjompe; ar okoe sorre menakʼpe ape do ińakʼ daṛe aṅgocpe.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Sereńko 71:3

Am do ińren aotan buru hoyokʼme one jao okte am ṭheniń sen daṛeakʼ. Am do ińren usul buru ar aotan gaṛ kanam, ar onatege iń rukhiyạyiń lạgitʼem hukum akada.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jobakʼ 18:17

Dhạrti khon uniyakʼ dikʼsạko do meṭaokʼtaea; kulhikore uniyakʼ ńutum do baṅ roṛogokʼa.

Mikạ 5:14

Iń do am tala khon Asera-khunṭikoń or totʼ giḍikakʼa ar amakʼ nagrahakoń rạputʼ giḍiytama.

Habakkuk 2:10

Am do ḍher jạtrenkom marao akatʼkote amakʼ gharońj cetanre lajaoem ạgu akada ar bańcaokʼ reakʼ ạidạri dom caba akada.

Daniel 5:27

TEKEL, metakʼme sosoṅakʼ tulạre am doe soṅakatʼmea ar am dom komaogea.