Nạhum 1:11 - সান্তালী বাইবেল

¹¹ Ente ape tala khon nonkan mitʼ hoṛe oḍok hecʼakana okoe do Probhu Isor upạrte bạṛicʼakʼe ponthayetʼ ar bạṛicʼ sopolhae emokʼkan.

Nạhum 1:11 Referans Kwoze

Nạhum 1:9

E Niniwiren hoṛko, Probhu Isor upạrte jãhãnakʼgepe cekae uni do ona bae jo baha ocoytapea. Uni doe caba utạra ar gạr do dohṛate baṅ rakapʼa.

2 Bõsbudạ 13:7

Jerobiam do adomko okoḍa ar bhạṅgwạ hoṛko jarwakate Solomonren hopon Rehobiam upạrteye teṅgoyena. Ona jokhecʼ Rehobiam do juạn koṛa ar gạkhuṛ secʼte do komgeye tahẽkana; ar onko teṅgo daramko leka daṛe hõ baṅ tahẽkantaea.

2 Rapajko 18:30

Hiskiạ do nonka menkate Probhu Isorre aloe bhorsa ocope ma, ‘Probhu Isor do khạṭige apeye bańcaopea; ar niạ nagraha do Ạsurren rajakʼ tire bae jimạkakʼa.’

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

Jeheskel 11:2

Probhu Isor do ińe metadińạ, “E manwa hopon, noko kangeako onko hoṛ okoe do nagraha talare bạṛicʼakʼko hudisetʼkan ar bạṛicʼ sopolhako emokʼkan tahẽkan.

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.