Nạhum 1:1 - সান্তালী বাইবেল

¹ Niniwi babotre Isorakʼ katha. Elkosi atoren Nạhum oka dorsone ńelletʼ ona do noa puthire ol akana.

Nạhum 1:1 Referans Kwoze

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Sakariạ 9:1

Hadrak ar Damesek upạrte Probhu Isorakʼ oka katha sodorlen ona do purạukʼa. Israel gusṭirenko ar eṭakʼ sanam manwakoakʼ mẽtʼ do Probhu Isorrege menakʼa.

Nạhum 2:8

Niniwi do phoṛ akatʼ mitʼṭecʼ pukhri leka one ona reakʼ dakʼko ạtu oḍokokʼkan. Onko do “Teṅgokʼpe, teṅgokʼpe” menteko hohoyetʼkana menkhan uniren hoṛ do celege tayom secʼ bako beṅgetʼ ạcureda.

Jesaea 13:1

Amosren hopon Jesaea do Babel reaṅ dorsone ńamleda.

Genesis 10:11

Uni do onḍe khon Ạsur hạbicʼ acʼakʼ rajosṭiye pasnao idiketʼtaea. Onḍenakʼ Ninwi, Rehobot, Ir, Kalah ńutumanakʼ nagraha do unigeye teṅgoleda. Noa modre Resen do Ninwi ar Kalah talare tahẽkana. Ar noako mitʼkate mitʼṭecʼ maraṅ nagraha tearlena.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jesaea 15:1

Moab babotre Probhu Isorakʼ katha do nonka kana: Moab reakʼ Ar ńutumanakʼ nagraha ar Kir nagraha do mitʼ ńindạtege jarkharena.

Jesaea 14:28

Oka bochor Ahas raje gocʼen ona bochorge Jesaea do niạ nạbi kathae ńamleda.

Jesaea 22:1

Dorson reakʼ buru-nala babotre Probhu Isorakʼ katha do nonka: Am do ńitokʼem ceka akante, amren hoṛko do chat cetanteko rakapʼ kana?

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

2 Rapajko 19:36

Onate Ạsurren raj Senakerib do acʼren lạṛhại phạdanteye ruạṛ calaoena ar Niniwi nagrahare senkateye tahẽyena.

Habakkuk 1:1

Isorakʼ katha do Habakuk nạbi ṭhen dorson hotete sodorlena.

Malaki 1:1

Malaki hotete Israelko ṭhen Probhu Isorakʼ katha.

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jirimiạ 28:8

Am ar iń lahate sedaeren okoe nạbikoko tahẽkan, onko do aema disạm ar maraṅ maraṅ rajosṭi upạrte lạṛhại, akal ar mahamạri reaṅko nạbileda.