Mikạ 7:18 - সান্তালী বাইবেল

¹⁸ Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Mikạ 7:18 Referans Kwoze

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Sereńko 89:8

E Probhu, sanam daṛean Isor, okoe menaea am lekan daṛeanicʼ do, E Probhu? Amakʼ pạtiạrtetʼge am doe esetʼ ạcur akatʼmea.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Mikạ 2:12

Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

Dosar Biboron 33:26

Uni doe menkeda, “E Jisurun Isor leka do celege bạnukʼkoa. Amren gokʼṛoyicʼ hoyokʼ lạgitʼ uni do rimil reakʼ gạḍite, acʼakʼ mạhimawante rimilteye decʼ hijukʼkana.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Daniel 9:9

Aleren Probhu Isor do dayakʼicʼ ar ikʼkạyicʼ Isor kanae, enhõ ale do am upạrtele hul akada.

Jirimiạ 3:5

am do cetʼ jao oktege edre akanem tahena? Amakʼ edre do cetʼ jaejug hạbicʼ tahentama?’ Am do onkagem men akada, menkhan daṛeakʼ bhor bạṛicʼakʼgem kạmi akada.”

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Sereńko 130:4

Menkhan am ṭhen do ikạ menakʼa, jemon hoṛko botoram.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Romiko lạgitʼ Pạul Apostolakʼ ciṭhi 11:4

Menkhan Isor do Eliạ cetʼe roṛ ruạṛe emade tahẽkana? Uniye metade tahẽkana, “Eae hajar herel hoponkoń sarecʼ doho akawana, one onko do Bakʼal-deb ṭhen bako ikhṛum akan.”

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Mikạ 5:3

Ona iạte uni do unhạbicʼe alae giḍikoa one tin hạbicʼ jakʼnamicʼ do bae janame. Ar unre acʼren boehakoren sarecʼko doko ruạṛa, Israel hoponko ṭhenge.

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Amos 7:8

Uni doe metadińạ, “Amos, cetʼem ńeleda?” Ińiń roṛ ruạṛadea, “Mitʼṭecʼ sạhul baber.” Unre Probhu Isore menkeda, “Ińren hoṛ Israelko talare iń do mitʼṭecʼ sạhul baber iń dohoyeda; onko do ar bạń dayawakoa.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Jesaea 57:10

Am do dãṛã dãṛãtem laṅga caba akana, enhõ ‘as do bạnukʼa,’ niạ katha do bam menleda. Menkhan sewakate nãwã daṛem ńam idikeda, onate bam laṅgalena.

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Sereńko 103:13

Gidrạko lạgitʼ baba do cetʼ leka mãyã menakʼtae onkage acʼ botoraekanko cetanre uniyakʼ hõ mãyã menakʼtaea.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Numeri 23:21

Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.

Jirimiạ 38:8

Ebed Melek do raj oṛakʼ khon oḍokkate raj ṭhen senkateye menkeda,

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Genesis 4:7

Bhageakʼem kạmi akatʼ khan enḍekhan amakʼ mẽtʼãhã do cedakʼ kharsala baṅ ńelokʼkantama? Am do bhageakʼ bam kạmi akatʼte kại doe khudạu baṛamea ar ona do amakʼ duạrre hecʼkate duṛupʼkokʼa; menkhan uni bhagaoe hoyokʼtama.”

2 Bõsbudạ 6:21

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ hõ luturakʼtako me. Amakʼ tahen ṭhạ̃i serma khon ańjomtakome ar ikạkakome.

2 Bõsbudạ 30:9

Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”

Jesaea 33:24

Sionre girobasokʼ hoṛko do okoehõ bako mena, “Iń doń ruạkʼ kana.” Ar onḍe okoeko girobasokʼ onkoakʼ kại do ikạkʼtakoa.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jirimiạ 33:8

Ar iń upạrte okako kại akatʼ ona khoniń saphakoa ar iń upạrteko kạmi akatʼ onkoakʼ sanam bedhoromakʼ ar hulko hõń ikạitakoa.

Jeheskel 18:23

Dusṭạmi hoṛakʼ gujukʼ iạte cetʼ iń doń kusikʼ kana? Bickom tinre uni do acʼakʼ bạṛicʼakʼ hor khon ruạṛkateye bańcaokʼa unrege iń doń kusikʼa.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

Sereńko 65:4

Bhạgangeae uni hoṛ, one okoeyem bachao joṅ ar am ṭhenem ạguyede, jemon amakʼ racareye girobas daṛeakʼ. Amakʼ oṛakʼre, amakʼ sonot tahen ṭhạ̃i reakʼ bhorte ale dole tirpitokʼa.

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Jeheskel 33:16

Uni okae kại akatʼ ona reakʼ jãhãnakʼge uni upạrte do baṅ disạ dohokʼtaea. Uni do dhorom ar bhageakʼkoe kạmiakatʼ iạte khạṭigeye bańcaokʼa.

Hosea 14:5

Israel ṭhen do sisir dakʼ lekageń hoyokʼa; uni do Kiyạ baha lekae bahakʼa. Lebanon reakʼ debdạru dare leka uni do acʼakʼ rehetʼko latar secʼe pheḍtaea.