Mikạ 7:17 - সান্তালী বাইবেল

¹⁷ Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Mikạ 7:17 Referans Kwoze

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Sereńko 72:9

Hahaṅkarren hoṛko do uni samaṅreko ombagokʼa. Ar uniren bạiriko do uniko ḍobokʼaea.

Sereńko 18:45

Onko doko tolmojokʼa; ar thar tharaoakʼte gaṛ khonko oḍok hijukʼa.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Sakariạ 14:5

Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Rak̕joṅ 3:29

Uni do dhuṛireye ombagokʼma, pasere pase as menakʼtaege.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jesaea 64:2

Seṅgel cetʼleka jhurikoe jol ocoyte dakʼe heḍecʼ ocoy onkage am hõ pheḍ hijukʼte amren bạiriko ṭhen sodorokʼme, jemon jạt jạtrenko am samaṅre botorteko thar tharaokʼ.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 25:3

Ona iạte daṛean jạtrenko do amko sarhaomea ar kurmutạha jạtrenkoakʼ nagraha do amko botorama.

Sereńko 9:20

E Probhu Isor, onkoakʼ ontorre botor rakapʼ ocoy takome; ar eṭakʼ jạtrenko baḍaema, onko hõ eken manwa kangeako mente. (Sela)

1 Samuel 14:11

Niạ menkate unkin do Philisṭikoren lạṛhại phạdko samaṅre senkate kin ńel ocoyena. Unre Philisṭiko doko menkeda, “Hạnkin ńelkinpe, danderrekin okolen unkin dokin oḍok hijukʼkana.”

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Dosar Biboron 32:24

Onko do reṅgecʼteko loraokʼa ar durdurạukʼ ruạ ar bisanakʼ rogteko capoṭokʼa. Onko upạrte iń do kaṭaha janwarko ar dhuṛire leńokʼkan bisan bińkoń kolkoa.

2 Samuel 22:46

Onko doko tolmojokʼa; ar thar tharaoakʼte gaṛ khonko oḍok hijukʼa.

2 Bõsbudạ 17:10

Jihudạ disạm aḍepase reakʼ sanam rajosṭiko cetanre Probhu Isor ṭhen khon nonkan botor rakapʼatʼkoa onko do Jehosaphat sãote ar bako lạṛhạilena.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Jesaea 7:19

Onko do hecʼkate buru dhasnakore, buru paṛakʼkore, jạnum jhạuạkore ar ṭạnḍikoreko basakʼa.