Mikạ 7:14 - সান্তালী বাইবেল

¹⁴ E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Mikạ 7:14 Referans Kwoze

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 95:7

Uni kangeae aboren Isor do, ar abo do uniren kana bon; uniyakʼ gupi ṭạnḍiren bhiḍiko leka uni doe ńel sãohayetʼ bona. Ohae, teheń baṛe ińakʼ kathape ańjomletiń khan!

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Johan 17:16

Cetʼleka iń do noa dhạrtireniń baṅkan onkage onko hõ noa dhạrtiren doko baṅkana.

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Malaki 3:4

Unre sedaeakʼ din leka, mareakʼ dinko leka Jihudạ ar Jerusalemren hoṛkoakʼ samaṅokʼakʼ jinisko do Probhu Isore kusi ocoyea.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”

Rak̕joṅ 5:21

E Probhu Isor, bam nihạ̃t giḍi akatʼle khan, ale cetanre bam bekusi akan khan, enḍekhan am ṭhen baṛe ruạṛ idilem adole ruạṛ hijukʼa; ar sedae leka aleakʼ dinko baṛe ruạṛ kataleme.

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Sereńko 143:5

Iń do sedae reakʼ kathań disạyeda, ar amakʼ sanam kạmiko reaṅiń ganḍonjoṅ kana; amakʼ ti okaṭakʼe cekayetʼ ona reakʼgeń hudiseda.

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Numeri 23:9

Iń do buru muthni khoniń ńelketʼkoa; ar buru cetan khon onkoń ạribạndhi akatʼkoa. Nonkan mitʼṭen jạtrenkoń ńelketʼkoa okoe do eṭakʼko khon pharakreko tahenkan; onko do eṭakʼ sanam jạtrenko sãote midokʼko lekako baṅkana.

Exodus 33:16

Ale sãote bam senlen khan cekatele baḍaea, amakʼ daya do iń ar amren hoṛko cetanre menakʼa mente? Iń ar amren hoṛko dhạrtiren eṭakʼ hoṛko khonle begarge ona do cekatele bujhạu daṛekea?”

Rak̕joṅ 1:7

Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Levitikus 27:32

Gại ḍaṅgra ar bhiḍi meromko mod khon gel hạṭińre mitʼ hạṭiń, metakʼme gupikoakʼ ṭheṅga latarteko parom akan sanam gelko khon mitʼṭen do Probhu Isor ńutumte begar doho akanko kanako.

Soros sereń 4:1

E dulạṛiạtiń, am dom mońjgea! Hẽ, am do ạḍitetʼgem mońjgea. Ṭuṭuri danaṅre potam mẽtʼkin leka amakʼ mẽtʼkin do, ar amakʼ upʼ do Gilead buru khonko pheḍ hijukʼkan merom pal lekage.

Jirimiạ 49:31

E Babelrenko, ape do beretʼpe, ar khạtirjomako tahenkan onko jạtrenko cetanre jhãp empe. Onko jạtrenko do phaṭok duạr hõ bạnukʼtakoa, huṛkạṛ hõ bạnukʼa; onko do ako motogeko girobasokʼ kana.

Jeheskel 36:11

Apere manwa ar janwarkoakʼ lekha hõń ḍher ocoya ar onko doko bạḍ idikʼa ar lekhareko ḍherokʼa. Ar apere lahate lekage hoṛkoń girobas ocokoa ar laha khon hõ ḍher gidrạkoń hoyocokotapea. Unrepe baḍae daṛeakʼa, ińkangeạń Probhu Isor do.

Numeri 32:1

Ruben ar Gad gusṭiren hoṛkoren do ạḍi aema bhiḍi merom ar ḍaṅgra palko tahẽkantakoa . Onko do Jaser ar Gilead disạm do janwar ạsulko lạgitʼ ạḍi napae jaegakana menteko ńelketʼ khan,

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Obodiạ 1:19

Negebre tahenkan Israelrenko do Esaoakʼ buruko dokhol joṅa ar latar buru ṭoṭharen hoṛ do Philisṭikoakʼ disạmko ạidạri joṅa. Onko do Ephrayim ar Samariạ reakʼ ṭhạ̃iko dokhol joṅa ar Benjạmin Gilead ṭoṭhako ạidạri joṅa.

Sakariạ 10:10

Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

Sakariạ 11:7

Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.