Mikạ 7:10 - সান্তালী বাইবেল

¹⁰ Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Mikạ 7:10 Referans Kwoze

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Sereńko 18:42

Hoete oṭaṅokʼkan dhuṛi leka onko doń holoṅ ḍigirketʼkoa, ar ḍahar reakʼ losotʼ lekań giḍikatʼkoa.

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.

Mathae 27:43

Uni do Isorreye bhorsa akana; ńitokʼ Isor unire kusiye tahen khan enḍekhane bańcaoema. Uni ma apnarte Isorren Hopone ńumugokʼ kan tahẽkana.”

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Malaki 1:5

Ape do apeakʼ mẽtʼte onape ńela arpe roṛa, ‘Israelakʼ simạnako bahrere hõ Probhu Isor doe maraṅgea.’ ”

Obodiạ 1:10

Amren boeha Jakob upạrte santao lạgitʼ am do lajaotem dapalokʼa; am do jaejug lạgitʼem marao utạrokʼa.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Sereńko 115:2

Eṭakʼ jạtrenko do cedakʼko mena, “Okare menaea onkoren Isor do?”

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 58:10

Onko cetanre hala hạli hoylen khan Isor botoraeko doko kusikʼa; onko do phạsiạrakoakʼ mãyãmre jaṅgako ạbukokʼa.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Jeheskel 7:18

Onko do gõṛẽ kicricʼko paṭhejoṅa ar botorteko thartharaokʼa. Onko do lajaoteko perejokʼa ar bohokʼ doko hoyo munḍrạ ocokʼa.

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Obodiạ 1:12

Am boehawakʼ hale ḍale oktere am do ạḍitetʼem kusiyena, ar Jihudạren hoṛkoakʼ maraokʼ dinre onko babotrem hulạsena ar onkoakʼ kosṭo hilokʼre do bạḍạitem perecʼlena.

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”

Sereńko 92:12

Dhorom hoṛ do khijur dare lekae ḍagḍagaokʼa; uni do Lebanon reakʼ debdạru dare lekae hara rakapʼa.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jirimiạ 49:15

Probhu Isore meneda, “Ńitokʼ do jạt jạtrenko talareń huḍińmea ar hoṛko talare hirkhạwạnicʼ iń hoyocomea.

Sephaniạ 3:15

Probhu Isor do amakʼ sạjạiye sạṅgiń giḍiakada, uni do amren bạirikoe laga ńir akatʼkoa. Israelren raj Probhu Isor do am talare menaea; am do ar tishõ bin bhạlạiyakʼ do alom botorakʼa.