Mikạ 6:5 - সান্তালী বাইবেল

⁵ E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Mikạ 6:5 Referans Kwoze

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Bikʼcạrko 5:11

Ańjompe, dakʼ lo ṭhạ̃ire hoṛko doko khae khoyeda; ar Israelakʼ atoren hoṛko lạgitʼ Probhu Isor do bańcaokʼ reakʼe roṛeda. Noa ańjomkate hoṛko do Nagraha reakʼ phaṭok duạr ṭhenko senena.

Josuạ 4:19

Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

Sereńko 143:11

E Probhu Isor, amakʼ ńutum iạte nãwã daṛe baṛe danạńme; ar amakʼ dhorom iạte gạr khon bańcaoińme.

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Ephesiko lạgitʼ Pạul Apostolakʼ ciṭhi 2:11

Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Numeri 31:16

Ńelpe nokoge Biliamakʼ kathate Israel hoponkoko bulạuletʼkoa Peor babotteakʼ kathare Probhu Isor upạrteko bepạtiạr ocoletʼkoa onate Probhu Isorren hoṛko talare mahamạri do paṛaolena.

Numeri 31:8

Onko do Midiạnrenko sãote eṭakʼ mõṛẽ goṭen raj hõko gocʼketʼkoa. Onkoakʼ ńutum do hoyokʼ kana, Ebi, Rekom, Sur, Hur ar Reba. Israelko do Beorren hopon Biliam hõ tarwaṛeteko gocʼkedea.

Numeri 23:27

Tayomte Balak do Biliame metadea, “Dela, ar mitʼ jaegateń idimea. Pasecʼ Isor do kusite onḍe khon iń ńutumte onkoe sarapako.”

Numeri 22:41

Ar dosar hilokʼ setakʼ jokhecʼ Balak do Biliame soṅgekedete Bamot Bakʼal buruteye rakapʼena. Ar Biliam do onḍe khon Israelkoren eken mitʼ hĩs hoṛgeye ńelketʼkoa.

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Sereńko 36:10

Okoe amko baḍae akatʼme onkore amakʼ asambheṛ dulạṛ do jaejug hạbicʼ tahen ma; ar okoeyakʼ ontor khạṭige onko do jaoge amakʼ dhorom bicạrko ńama.

1 Samuel 12:7

Enḍekhan niạ dhao do apege sapṛaokʼpe. Probhu Isor do ape ar aperen hapṛamko lạgitʼ okako dhorom reakʼe kạmi akatʼ ona jotowakʼ reaṅ Probhu Isor samaṅrege apeakʼ doskoń udukʼapea.

Numeri 33:49

Nonḍe doko ḍeralena jordan gaḍa aṛe reakʼ Moab otet reakʼ Beth-jesimot khon Abel Siṭim nagraha hạbicʼ.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 3:1

Josuạ do ạḍi setakʼreye beretʼente sanam Israelko soṅgekate Siṭim khon uṭhạuente jordan gaḍa ṭhene calaoena. Ar gaḍa ạuriko paromokʼ hạbicʼ onḍegeko tahẽyena.

Bikʼcạrko 11:25

Am do cetʼ Moabren raj Siphorren hopon Balak khon hõm bhagegea? Uni do tishõ Israelko sãote bae jhogṛalena se bae lạṛhạilena.

Jesaea 1:27

Isor do acʼakʼ hokʼ reakʼ bicạrte Sione chaḍaoa, ar okoe kại khon monko ạcur onko do acʼakʼ dhoromteye chaḍaokoa.

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Dosar Biboron 23:6

Tinạkʼ din jiwetʼpe tahen unạkʼ din onko bhạlạiko reakʼ alope kurumuṭuiya.