Mikạ 6:13 - সান্তালী বাইবেল

¹³ Ar onatege iń do apeakʼ ghạṭ iạte bạṛicʼ sạjạiyiń sạjạipea ariń marao utạrpea.

Mikạ 6:13 Referans Kwoze

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Hosea 5:9

Sạjại emakʼ dinre Ephrayim do ujạṛokʼakʼ hoyokʼa. Ar okaṭakʼ do hoyokʼte hõ hoyokʼge ona do Israel gusṭirenko talareń lại sodoretʼkana.

Rak̕joṅ 3:11

Hor khon or ghec ghece ạgukateye khanḍa khunḍi akadińạ ar eskargeye giḍi oṭoakadińạ.

Rak̕joṅ 1:13

Coṭ khon uni do ińakʼ jaṅkore seṅgelgeye kol akada. Ińakʼ jaṅga lạgitʼ uni do jhãmpae oḍao akada ar ạcur ruạṛokʼ lạgitʼe jormoṭ akadińạ. Uni do ińe eskar akadińạ, goṭa din nijorgeye dohoakadińạ.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!