Mikạ 6:11 - সান্তালী বাইবেল

¹¹ Okoeko hoṛ ṭhen ṭhokako reakʼ tulạ ar ojonte kom reakʼ baṭkhara menakʼ uni do cetʼ bin dusạn menteń hudis daṛekea?

Mikạ 6:11 Referans Kwoze

Hosea 12:7

Probhu Isore meneda, “Bepari Ephrayim do ṭhok reakʼ tulạgeye beoharetʼkana; uni do julumgeye kusiyakʼkana.

Levitikus 19:36

Apeakʼ tulạ, baṭkhara ar eṭakʼakʼ sosoṅakʼ jinisko do jotoge jemon ṭhik leka tahentape. Iń kangeạń aperen Probhu Isor do. Misor disạm khon ińgeń oḍok ạguakatʼpea.

Kạhtukko 16:11

Sạri tulạ ar ḍạnḍi do Probhu Isor khonakʼge; ar thạilạkʼ reakʼ sạri baṭkharako do uniyakʼ mẽtʼre bhagegea.

Dosar Biboron 25:13

“Apeakʼ thạilạkʼre mitʼṭecʼ do ḍher ojon reakʼ ar mitʼṭecʼ do kom ojon reakʼ nonka bar lekan baṭkhara do alo baṛe tahentapema.

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Jeheskel 45:10

Ape do tulạ ar eṭakʼ sosoṅakʼ jinisko ṭhik leka tahentape ma.

Amos 8:5

Ape dope menetʼkana, “Molokʼ cando do tis baṅ cabakʼ jemon jomakʼle ạkhriń daṛeakʼ? Sabath din baṅ tis paromokʼ jemon bajarre senkate guhumle ạkhriń daṛeakʼ? Ale do sosoṅakʼ baṭkharale komaotalea, ar damle ḍhera, ar ṭhoka reakʼ tulạkole beohara,

Sakariạ 5:8

Uni serma goḍet doe metadińa, “Nui doe hoyokʼkana dusṭạmi.” Ar noa menkate uni maejiu do ona bhajanreye ṭhelao bhoraokedea ar ona reakʼ moca do sisạ ḍhaknateye hạrupʼkada.

Kạhtukko 20:10

Baṅ ṭhikakʼ baṭkhara ar sosoṅakʼ noa banarge Probhu Isor doe hirkhạwakʼkana.