Mikạ 6:1 - সান্তালী বাইবেল

¹ E Israel, Probhu Isorakʼ katha ańjomme. Uniye meneda, “E Mikạ, am do teṅgokʼme ar buru-ḍuṅgri samaṅre amakʼ mambla sodorme; amakʼ oka mementeakʼ menakʼtam ona do burukoko ańjomma.”

Mikạ 6:1 Referans Kwoze

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Jeheskel 36:1

Probhu Isor do ińe metadińạ, “E manwa hopon, Israel reakʼ buruko ṭhen nạbi katha roṛme ar Probhu Isorakʼ noa katha ańjom lạgitʼem metakoa, bạiriko do onko reaṅe menetʼkana, ‘Ah! Mare usul ṭhạ̃iko do aboakʼ dokholre hecʼakana.’

Sereńko 50:4

Acʼren hoṛkoakʼ bicạr reakʼ hĩs hatao lạgitʼ uni do coṭ reakʼ rimile hohowae kana, ar dhạrti hõe hohoae kana;

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Jeheskel 36:8

“ ‘Menkhan E Israel reakʼ buruko, ape do apeakʼ dare reakʼ ḍạrkope kahle oḍok ocoyte ińren hoṛ Israelko lạgitʼ ḍher jope jokʼa, ente onko do usạratege oṛakʼteko ruạṛ hijukʼa.

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Luk 19:40

Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”

Sereńko 50:1

Maraṅ daṛean Probhu Isor do, kathae roṛeda; purub khon pạchim hạbicʼ dhạrtiren sanamko uni doe hohoakatʼkoa.

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Jeheskel 37:4

Unre uni do ona jaṅko ṭhen noa nạbi katha roroṛe metadińạ, “E rohoṛ jaṅko, ape do Probhu Isorakʼ katha ańjompe.

Jirimiạ 13:15

Ańjomtińpe, ar moneyakʼtińpe, bạḍạiko leka do alope hoyokʼa, ente Probhu Isor do kathae roṛeda.

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

1 Samuel 15:16

Sạmuel do unre Sạule metadea, “Thirkokʼme. Calaoen ńindạ Probhu Isor okaṭakʼe men akawạdiń onań lạiyama.” Sạule menkeda, “Ma lạiyạńme.”

1 Samuel 12:7

Enḍekhan niạ dhao do apege sapṛaokʼpe. Probhu Isor do ape ar aperen hapṛamko lạgitʼ okako dhorom reakʼe kạmi akatʼ ona jotowakʼ reaṅ Probhu Isor samaṅrege apeakʼ doskoń udukʼapea.

Mikạ 5:15

Okoe jạtrenko iń tabere bạnukʼko onko cetanre do edreteń hala hạliya.”

Mikạ 6:2

E buru-ḍuṅgriko, ape do Probhu Isorakʼ aroj ańjompe; E dhạrti reakʼ jaejug rehetʼko apehõ ańjompe. Noa reakʼ karon do uniren hoṛko upạrte Probhu Isorakʼ mementeakʼ menakʼtaea; uni do Israelko upạrte mitʼṭecʼe mambla akada.

Jesaea 3:13

Probhu Isor do mambla lạgitʼe beretʼ akana; uni do eṭakʼ eṭakʼ jạtrenko bicạrko lạgitʼe teṅgo akana.