Mikạ 5:13 - সান্তালী বাইবেল

¹³ Am bhitri khon goṛhon muṭhạnkoń rạputʼ giḍikakʼa ar amakʼ sewa khunṭiko hõń maraoa; amakʼ tite benaoakʼ jinisko do ar bam pujạwakʼa.

Mikạ 5:13 Referans Kwoze

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Jeheskel 37:23

Onkoren sanam boṅga murhutʼkote se jãhãn behokakʼte onko do apnartetʼ ar bako bhonḍokʼa. Iń do onkoakʼ sanam kại ar bạṛicʼ hor khoniń rukhiyạkoa ariń saphakoa. Onko do ińren hoṛko hoyokʼa ar iń do onkoren Isoriń hoyokʼa.

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

Bikʼcạrko 18:17

Unre uni naeke do turui sae hoṛko sãote onḍeye teṅgo akan tahẽkana. Ar disạm reakʼ khoj khobor okoeko ạguletʼ onko mõṛẽ hoṛ do bhitrite bolokate goṛhon muṭhạnko, ephod, deb muṭhạnko ar dul muṭhạnkoko hataoketʼkoa.

Jesaea 2:18

ar boṅga murtiko doko marao utạrokʼa.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Sephaniạ 1:4

“Jihudạ upạrte ar Jerusalemre girobasokʼ kan sanamko upạrte ińakʼ tiyiń rakabtińạ. Niạ disạm khon Bakʼal debota sewawae reakʼ jotowakʼko ar lạṭu ar kạticʼ hudạren sanam naekekoń marao utạrkoa.

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.