Mikạ 5:10 - সান্তালী বাইবেল

¹⁰ Probhu Isore meneda, “E Israel uren iń do am tala khon amren sadomkoń caba utạrkoa ar amakʼ rãt gạḍikoń marao giḍikakʼa.

Mikạ 5:10 Referans Kwoze

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Jirimiạ 3:23

Sạrige buru boṭkocʼ khon goṛowakʼ do eṛeteakʼ chaḍa ar cetʼge baṅkana. Sạrige aleren Probhu Isorrege Israelkoakʼ bańcaokʼ do menakʼa.

Jesaea 2:7

Disạm do sona ar rupạte perecʼgea, onkoakʼ dhon durib do asambheṛgea. Onkoakʼ disạm do sadomkote perecʼgea ar rãt gạḍi hõ alekha menakʼtakoa.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.