Mikạ 4:6 - সান্তালী বাইবেল

⁶ Probhu Isore meneda, “Enhilokʼ iń do leḍhakoń jarwakoa; ar okoe bondikate eṭakʼ disạmteko idi ocoakan, ar okoeyiń duk ocoakatʼko onko do mitʼ ṭheniń jarwa mitʼkoa.

Mikạ 4:6 Referans Kwoze

Sephaniạ 3:19

Okoe amko santaoetʼme onko sanamkoge ona oktereń sạjạikoa; leḍhakoń bańcaokoa ar okoeko chirchạtur ocolen onko doń jarwakoa. Onkoakʼ lajao bodolte goṭa dhạrtire sarhao ar maniń emakoa.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Luk 19:10

Ente atʼakan ńamko ar bańcaoko lạgitʼge Manwa Hopon doe hecʼakana.”

Mikạ 2:12

Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jirimiạ 31:8

Ńelpe, utạr disạm khon iń do Israelkoń ạgukoa ar dhạrti reakʼ ses simạna khoniń jarwa mitʼkoa. Onko modre kãṛãko, leḍhako, bhạrti hoṛmoko ar bedon rakapʼ akatʼko maejiu hõko tahena; ar maraṅ utạr mitʼṭecʼ dolko ruạṛ hijukʼa.

Jirimiạ 3:18

Un jokhecʼ Jihudạren hoṛ do Israelren hoṛko sãoteko seledokʼa ar okaṭakʼ disạm ạidạri menkate aperen hapṛamkoń ematʼko tahẽkan ona disạmre mitʼdomte utạr secʼ khonko ruạṛ hijukʼa.’

Sereńko 38:17

Iń doń bhindạṛokʼ kana; ińakʼ kosṭo reakʼ katha do jaoge monre jagao ạńkana.