Mikạ 4:12 - সান্তালী বাইবেল

¹² Menkhan onko do Probhu Isorakʼgoṭawakʼ reakʼ katha do bako baḍaea; onko do bako bujhạu daṛeakʼkana je, uni do binḍạ leka khạrạire en ko lạgitʼe jarwa akatʼkoa mente.

Mikạ 4:12 Referans Kwoze

Jesaea 55:8

Probhu Isore meneda, “Ińakʼ hudis joṅakʼko do apeakʼ hudisakʼko leka do baṅ kana; ar ińakʼ hor hõ apeakʼ horko leka do baṅkana.

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Luk 3:17

Uniyakʼ haṭakʼ do tirege menakʼtaea; onate khạrại do mońjteye saphaea ar phosol do acʼakʼ golareye doho jarwaea, menkhan peṭecʼ do baṅ iṛijokʼ seṅgelreye atar giḍikakʼa.”

Jesaea 21:10

E ińren hoṛko, ape do ińakʼ khạrạire enakʼ ar oṭaṅ saphawakʼ jaṅ kanape. Phạdkoren Probhu Isor ṭhen khon, Israelkoren Isor ṭhen khon iń okań ańjomakatʼ ona do apeń baḍae ocoketʼpea.

Sereńko 147:19

Uni do Jakob ṭhen acʼakʼ kathae sodor akada, ar Israelko ṭhen hõ acʼakʼ ạn ạrikoe doho akada.

Sereńko 147:20

Eṭakʼ jạtrenko lạgitʼ do bae onka akada; onko do uniyakʼ ạn ạriko bako baḍaea. Probhu Isorakʼge sarhao hoyokʼtae ma.

Jesaea 10:7

Menkhan Ạsurrenkoakʼ monsubạ onka do baṅa, uniyakʼ goṭawakʼ do eṭakʼ leka; uniyakʼ monsubạ do marao giḍikakʼ ar ḍher jạtrenko ses utạrko.

Jesaea 29:7

Unre sanam gad gad boṅgan hoṛ jạtrenko okoe do Ariel upạrteko lạṛhạikan, metakʼme okoe do uni ar uniyakʼ gaṛ upạrteko lạṛhạikan arko cipạyede onko do kukmũ ar ńindạ reakʼ dorson lekako hoyokʼa.

Jirimiạ 51:20

Probhu Isore meneda, “E Babel, am kangeam ińakʼ lạṛhại reakʼ mutạk, am kangeam ińakʼ lạṛhại reakʼ khanḍa bhanḍa; am hotetege jạtrenkoń chaka chun akatʼkoa, ar am hotetege rajosṭikoń marao giḍiakada;

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”