Mikạ 2:11 - সান্তালী বাইবেল

¹¹ Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Mikạ 2:11 Referans Kwoze

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Jesaea 9:15

Ona bohokʼ do kana murubbiko ar manotan hoṛkoge, ar canḍbol do eṛe sikhạuna emokʼ nạbiko.

1 Rapajko 13:18

Uni nạbiye roṛ ruạṛkeda, “Iń do am lekan mitʼṭen nạbi kangeạń. Probhu Isorakʼ katha leka mitʼṭen dut do ińe men akawạdińa jemon ińakʼ oṛakʼteń ruạṛ idime jemon am do senkatem jom-ńũ daṛeakʼ.” Menkhan uni do eṛe kathae metadea.

Jobakʼ 31:5

“Sạrigeń meneda, iń do eṛeakʼre bạń dãṛãnkana. Ińakʼ jaṅga do phikir tayomte bae ńir calakʼkana.

Kạhtukko 25:14

Okoe hoṛ dan reakʼ maraṅ maraṅ kathae roṛ menkhan acʼ do ona bae onkae, uni do nonkan kuṛhạ ar hoe leka kanae one onare jãhãn dakʼge bạnukʼ.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.