Mikạ 2:1 - সান্তালী বাইবেল

¹ Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Mikạ 2:1 Referans Kwoze

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Nạhum 1:11

Ente ape tala khon nonkan mitʼ hoṛe oḍok hecʼakana okoe do Probhu Isor upạrte bạṛicʼakʼe ponthayetʼ ar bạṛicʼ sopolhae emokʼkan.

Romiko lạgitʼ Pạul Apostolakʼ ciṭhi 1:30

eṭakʼkoakʼko oktawa ar Isorko hirkhạwaea. Onko do raṅgakʼko, usul monanko ar bạḍạiko, kanako. Bedhorom kạmi lạgitʼ nãwã nãwã ponthako ńamtotʼeda. Onko do go-baba bebataoko kanako,

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jesaea 59:3

Ente apeakʼ tiko do mãyãmte bhõnḍakana ar apeakʼ kạṭupʼ do ghạṭkote perecʼ akana. Apeakʼ moca do eṛe kathae roṛeda ar apeakʼ alaṅ do dusṭạmigeye phuṭạu akada.

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Kạhtukko 3:27

Okoe bhạlại ńam lạgitʼko lek kan onko bhạlạiko lạgitʼ tinre daṛe tahen tama unre ona onkae do alom baṅa.

Genesis 31:29

Apeakʼ loksantape reakʼ ektiạri bạnukʼ tạliń ona do baṅa. Menkhan Abenren hapṛamkoren Isor do hola ńindạ ạlińe menakawatʼ lińa, “Men sontorokʼme! Jakob do boge bạṛicʼ jãhãnakʼ cetʼge alom metaea.”

Aposkạmi 23:12

Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Dosar Biboron 28:32

Aperen hopon ar hoponerako do eṭakʼ jạtren hoṛ ṭhenko soprotkoa. Onko lạgitʼ koyokʼ hor iạte apeakʼ mẽtʼ do kãṛãkʼtapea, menkhan jãhãnakʼ cekae reakʼ cetʼ daṛege baṅ tahentapea.

Aposkạmi 23:15

Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguiye lạgitʼ maraṅ subedar ṭhen khobor kolpe. Ar nonḍe ạuriye seṭerokʼrege uni goje lạgitʼ sapṛao akanle tahena.”

Kạhtukko 12:2

Bhage hoṛ do Probhu Isor ṭhen khon dayako ńama, menkhan okoe bạṛicʼe phundikan uni do Probhu Isor dusi menteye ṭarhaoea.

Luk 20:19

Unre sostor baḍaeko ar maraṅ naekeko do Jisu sabeko menwana, enteko bujhạu daṛeada, Jisu do ako upạrtege noako kathae roṛetʼ kana; menkhan onko do hoṛkoko botoratʼkoa.

Mark 15:1

Maraṅ naekeko do ạḍi setakʼre, murubbiko, sostor baḍaeko ar maraṅ bạisiren hoṛko soṅgekate mitʼṭecʼko solhakeda. Ar ona tayom do Jisuko tol idikedete Romren disạm cakʼlaoyicʼ Pilạt ṭhenko jimạkadea.

Jeheskel 11:2

Probhu Isor do ińe metadińạ, “E manwa hopon, noko kangeako onko hoṛ okoe do nagraha talare bạṛicʼakʼko hudisetʼkan ar bạṛicʼ sopolhako emokʼkan tahẽkan.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.

Ester 3:8

Haman do unre Ahasberos raje metadea, “Amakʼ rajosṭi reakʼ tabe disạmkore judạ judạ jạtrenko modre mitʼṭecʼ jạtrenko doko pasnao akana. Eṭakʼ sanam jạtrenko khon onkoakʼ ạn-ạriko do begargetakoa ar rajakʼ ạn hõ onko do bako manaoeda. Onate onko jiwetʼ dohoko do baṅ bhagea.

Jobakʼ 24:14

Khuniạhi do ńut tahenrege beretʼkate reṅgecʼ orecʼkoe gocʼetʼkoa, ar ńindạ jokhecʼ doe kombṛoyeda.

Kạhtukko 14:22

Okoe bạṛicʼ kạmi lạgitʼ phundiko aṭaoetʼ onko do cetʼ bạṛicʼ secʼ bako calakʼ kana? Menkhan okoe do bhạlại lạgitʼko ponthayetʼ onko lạgitʼ do pạtiạr ar biswạsgeko ńama.

Jesaea 29:20

Kurmutạhako do ar bako tahena; ṭiṭkạri hoṛko hõko caba utạrokʼa, ar okoe bạṛicʼakʼ kạmiko menjoṅkan onko doko marao ocokʼa.

Jeheskel 33:26

Ape do apeakʼ tarwaṛe cetanrepe bhorsakʼ kana, ar bạṛicʼakʼpe kạmikana ar aḍepaseren mimitʼ hoṛkoren bạhupe nosṭoyetʼkoa; enḍekhan ape do cetʼ disạmren ạidạrikope hoyokʼa?’

Jeheskel 38:10

“ ‘Enhilokʼ amakʼ monre do aema lekan hudisko hecʼama ar mitʼṭecʼ bạṛicʼ bundisem perejokʼa.

Jeheskel 46:18

Disạm cakʼlaoyicʼ do onko hoṛkoe laga ńir lekorehõ onkoakʼ jãhãn sompotti do bae dokhol daṛeatakoa. Uni do eken acʼakʼ sompotti khonge acʼren hoponkoe em daṛeakoa jemon ińren hoṛko mod khon celege uniyakʼ sompottiren mạlikana aloko adtako.’ ”

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Sakariạ 7:10

Ape do rạnḍi maejiuko, ṭuạ̃r amarko, bidisiạko ar reṅgecʼ hoṛko alope santaokoa.’

1 Rapajko 21:7

Unre uniren bạhu Isebel doe menkeda, “Am do cetʼ Israelkoren raj dom baṅkana? Ma beretʼme, ar jom-ńũiyme, ar rạskạkʼme. Jisriyelren Nabatakʼ darkha bagwan do ińiń emama.”

Jobakʼ 15:35

Onkoakʼ kukhire do dusṭạmi tahena ar bạṛicʼakʼko busạkʼjoṅa; ar onkoakʼ lacʼre do phikirkoge gaṛhaokʼtakoa.”

Sereńko 36:5

E Probhu Isor, amakʼ asambheṛ dulạṛ do serma hạbicʼ menakʼa; ar amakʼ pạtiạr do coṭ rimilko hạbicʼge.

Sereńko 58:3

Janam khonge phạsiạrako do bạṛicʼ horteko calakʼkana; ar eṛe katha roroṛko hõ janam khonge bạṛicʼ horteko sen adokʼkana.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.