Mikạ 1:16 - সান্তালী বাইবেল

¹⁶ Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.

Mikạ 1:16 Referans Kwoze

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Dosar Biboron 28:41

Okoeko hopon ar hoponerako hoyokʼtape onko hõ ape ṭhen bako tahena, ente onko do bondikateko idiocokʼa.

Jirimiạ 47:5

Gasa doe jare jarekʼa ar acʼakʼ bohokʼe ceḍeytaea; Askelon doe marao giḍi ocokʼa. E bilạn ṭạnḍiren sarecʼ hoṛko, ar tinạkʼ din apeakʼ hoṛmope getʼ sirạ soroytapea?

Amos 7:11

Amose meneda, ‘Jerobiam do tarwaṛeteye gocʼ ocokʼa ar Israel do khạṭige acʼakʼ disạm khon eṭakʼ disạmteye bondi idi ocokʼa.’ ”

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.