Mikạ 1:13 - সান্তালী বাইবেল

¹³ E Lakisre tahenkan hoṛko, ape do Rãt gạḍi sãote sadomko joṛaokope. Israelakʼ bedhoromtetʼ pạhilre ape talare ńamlen iạte Sion-kuṛi do apege kại hortepe idiledea.

Mikạ 1:13 Referans Kwoze

2 Rapajko 18:17

Asurren raj do Lakis khon Tartan, Rabsari ar Rabsaki noko pene hoṛ do maraṅ utạr lạṛhại phạdkoante Jerusalemren raj Hiskiạ ṭhene kolkatʼkoa. Onko do Jerusalemte senkate dhubi ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhenko teṅgoyena.

2 Bõsbudạ 32:9

Tayomte Ạsurren Senakerib raj ar uniren sanam lạṛhại phạdko do Lakisko gheraokeda ar adom hoṛ do Jerusalemteye kolkatʼkoa. Uni do Jihudiren Hiskiạ raj ṭhen ar onḍe jarwa akan Jihudạren sanam hoṛko ṭhen noa kathae roṛ gotʼkada,

Josuạ 10:3

Ona iạte Jerusalemren raj Adoni-Sedek do Hebronren raj Hoham, Jarmutren raj Piram, Lakhisren raj Japhiạ ar Eglonren raj Debir ṭhen niạ nehõre kolkeda,

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

Jeheskel 23:11

“Uniren boeha kuṛi Oholiba do noakoe ńelkeda, enhõ uni do acʼakʼ gagojokʼre ar laṭghaṭre acʼren boeha kuṛi khon hõ bạ̃ṛtiye kharapena.

Jirimiạ 4:29

Aswari ar dhinkiạkoakʼ sabad ańjomte nagraharen sanam hoṛ doko dạṛ pạnḍuja. Adom hoṛ do gajaṛteko bolokʼa ar adom hoṛ do maraṅ maraṅ dhiriteko rakapʼa. Mitʼke mitʼ nagraha do ujạṛ akan tahẽna; onḍe do cele hoṛge bako girobasokʼa.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jesaea 37:8

Rabsake doe ańjomkeda, Ạsurren raj do Lakis bạgikate Libna upạrteye lạṛhại kana. Ona iạte uni hõ onḍeye calaoena.

Jesaea 10:31

Madmenaren hoṛ doko ńir joṅkana; Gebinren hoṛ doko okokʼ kana.

2 Bõsbudạ 11:9

Adorayim, Lakis, Aseka,

2 Rapajko 8:18

Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Genesis 19:17

Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”

1 Rapajko 4:28

Rãt gạḍiren sadomko ar eṭakʼ sadomko lạgitʼ onkoren mitʼke mitʼ kạmi reakʼ bhar lekate onko do Jao ar busupʼko ạguiyetʼ tahẽkana.

2 Rapajko 14:19

Jerusalemre Amasiạ upạrte soṛojontro hoyen khan uni do Lakhisteye ruạṛ calaoena, menkhan Lakhiste hoṛ kolkate uni do onḍeko gocʼkedea.

Jesaea 36:2

Ona tayom Ạsurren raj do Rabsake sãote mitʼṭecʼ maraṅ utạr lạṛhại phạdkoe soṅgeadete Lakis khon Jerusalemren raj Hiskiạ ṭhene kolkedea. Rabsake do senkate kicricʼ sobotʼkoakʼ ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhene teṅgoyena.

Jobakʼ 39:10

Arãṛ reakʼ baberte nahel reakʼ gaḍarem tol daṛekea? Uni do am lạgitʼ cetʼ lodamreye caskea?

Jirimiạ 34:7

Ona jokhecʼ Babel rajren lạṛhại phạdko do Jerusalem, Lakis ar Aseka upạrteko lạṛhạikan tahẽkana, ente Jihudạ disạm talare eken pạcrite esetʼ nagrahakoge ạidạri lạgitʼ sarecʼ tahẽkana.