Mathae 9:36 - সান্তালী বাইবেল

³⁶ Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Santali Common Language New Testament

³⁶ Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Mathae 9:36 Referans Kwoze

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onko jotokoe bogeketʼkoa.

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Mathae 15:32

Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼjokʼa.”

Mathae 15:24

Jisui roṛ ruạṛatʼkoa, “Iń do eken Israel bõsren atʼ akan bhiḍiko ṭhengeń kol ocoakana.”

2 Bõsbudạ 18:16

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko ruạṛ joṅma.’ ”

Ibriko 5:2

Okoe begor baḍaeteko kạiyetʼkan ar bạṛicʼ horteko calakʼkan onko sãote uni do mạ̃hirteye beohara, ente unire hõ nijortetʼ do menakʼgea.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Mathae 10:6

menkhan Israel jạtren atʼakan bhiḍiko ṭhen calakʼpe.

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

Sakariạ 11:16

Iń do disạm cetanre nonkan mitʼṭen gukʼpiyicʼ iń rakabea one uni do muhinre paṛao akan hoṛko bae beṅgetʼako, pasnao akan hoṛko bae sendrako, ghạl akan hoṛko bae bogeko, moṭasoṭa hoṛko bae jom ocoko; menkhan uni do bachao akatʼko bheḍakoakʼ jele joma ar onkoakʼ khurạ khon hõ jel or chaḍaokateye hạmbuṛa.

Jesaea 13:14

“Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa.

Mark 8:2

“Noko hoṛkoreń mãyãkʼ kana, ente teheń pe din hoyokʼ kana iń sãote menakʼkoa; onko ṭhen do jãhãn jomakʼge bạnukʼa.