Mathae 9:35 - সান্তালী বাইবেল

³⁵ Jisu do nagraha nagraha ar ato ato senkate sunạgogkore cetʼako ar serma raj reakʼ bhage sombat porcarakoe ehopʼena. Ona chaḍa sanam lekan ruạ hasokoe bogeyetʼtako tahẽkana.

Santali Common Language New Testament

³⁵ Jisu do nagraha nagraha ar ato ato senkate sunạgogkore cetʼako ar serma raj reakʼ bhage sombat porcarakoe ehopʼena. Ona chaḍa sanam lekan ruạ hasokoe bogeyetʼtako tahẽkana.

Mathae 9:35 Referans Kwoze

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Mark 6:56

Ar jãhã nagraha, se atoteye calakʼkan tahẽkan onḍege hoṛko do bajarkore rugiko jarwayetʼko tahẽkana. Ar uniyakʼ kicricʼ ańcar joṭetʼtae lạgitʼko nehõraekan tahẽkana, ar tinạkʼ do uniko joṭetʼede tahẽkan onko doko bogekʼkan tahẽkana.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Luk 13:22

Ado ato ato ar nagrahakore dãṛã dãṛãte lại cetʼakote Jisu do Jerusalem secʼe calao idiyena.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Mark 6:6

Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Mathae 11:1

Jisu do acʼren gelbar celako hukumakoe mucạtʼketʼ khan, uni do ato ato cetʼako ar porcar lạgitʼ onḍe khone oḍok calaoena.

Mathae 10:1

Jisu do acʼren gelbar celakoe hohoatʼkoa ar bạṛicʼ jiu oḍok giḍikako ar sanam lekan rog bighinko bogey reakʼ ektiạriye ematʼkote onkoe kolkatʼkoa.

Mark 1:14

Johan hajotreye bhorao ocoyen khan Jisu do Gạlil Prodesteye calaoena. Ar nonka menkate Isorakʼ bhage sombat porcare ehopʼena,