Mathae 9:28 - সান্তালী বাইবেল

²⁸ Jisu oṛakʼteye boloyen khan unkin kãṛã hoṛ hõ uni ṭhenkin hecʼena. Unre Jisui metatʼkinạ, “Pạtiạukʼkangea ben, noań daṛeakʼa mente?” Unkin kin menkeda, “Hẽ Probhu.”

Santali Common Language New Testament

²⁸ Jisu oṛakʼteye boloyen khan unkin kãṛã hoṛ hõ uni ṭhenkin hecʼena. Unre Jisui metatʼkinạ, “Pạtiạukʼkangea ben, noań daṛeakʼa mente?” Unkin kin menkeda, “Hẽ Probhu.”

Mathae 9:28 Referans Kwoze

Mathae 9:22

Jisu do ạcurente uni ńel ńamkedeteye metadea, “E mạ̃i dil joṅme. Amakʼ pạtiạugeye bogeakatʼmea.” Ar inạ ghuṛi khonge maejiu doe boge utạrena.

Mathae 8:2

Unre mitʼṭen murhucʼ jom rog hoṛ do hecʼkate sewawadeteye menkeda “E Probhu, sanalem khanem boge daṛeạńạ.”

Johan 11:40

Jisu do Marthae metadea, “Am do cetʼ bạń metatʼmea pạtiạulen khanem Isorakʼ ṭhonokem ńela?”

Johan 11:26

Ar okoe jiwetʼ menae ar ińreye pạtiạukʼkan uni do tis hõ ohoe gocʼlena. Am do cetʼ noam pạtiạukʼ kangea?”

Mathae 13:58

Ar onkoakʼ bepạtiạu iạte onḍe do ḍher hahaṛa kạmiko bae kạmileda.

Mathae 8:14

Inạ tayom Jisu do Patrasakʼ oṛakʼte senkateye ńelkeda, Patrasren hanhartetʼ doe ruạkʼkana ar uni doe giticʼ akana.

Mathae 13:36

Ona tayom Jisu do onko gadel hoṛkoe bạgiyatʼkote oṛakʼteye boloyena. Unre acʼren celako do hecʼkateko metadea, “Goḍa reaṅ ona sama ghãs reakʼ bhed baṛe bhoṅaleme.”

Mathae 9:27

Ado Jisu onḍe khone calakʼkan tahẽkan jokhecʼ barea kãṛã hoṛ do unikin pańjakedea. Ar ãṭ aṛaṅte hohoatekin menkeda, “E Dạudren Hopon, mãyãwạlińme.”

Mathae 9:29

Uni do mẽtʼe joṭetʼketʼ tạkinteye metatʼkinạ, “Aben cetʼleka ben pạtiạu akan, onkage hoyokʼma baṛe.”

Mathae 13:1

Enhilokʼge Jisu do oṛakʼ khon oḍok senkate doreão aṛereye duṛupʼena.

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.

1 Rapajko 17:16

Eliạ hotete Probhu Isor oka kathae men ocolen onkage holoṅ reakʼ hanḍha ar sunum reakʼ cukakʼ do baṅ khạlilena.