Mathae 9:23 - সান্তালী বাইবেল

²³ Inạ tayom Jisu do Jihudikoren uni mukhiyạ hoṛakʼ oṛakʼteye calaoena. Onḍe do tạriạ oroṅko ar hoṛko kạuạ rạuạkʼkane ńelketʼkoa.

Santali Common Language New Testament

²³ Inạ tayom Jisu do Jihudikoren uni mukhiạ hoṛakʼ oṛakʼteye calaoena. Onḍe do tạriạ oroṅko ar hoṛko kạuạ rạuạkʼkane ńelketʼkoa.

Mathae 9:23 Referans Kwoze

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Luk 7:32

Onko do nonkan gidrạ lekanako, okoe do bajarre duṛupʼkate eṭakʼko hohowateko metakokan, ‘ape lạgitʼ tiriole oroṅkeda, menkhan bape enecʼlena; homor halaṅkedale, menkhan bape rakʼleda.’

Mathae 11:17

‘ale do ape lạgitʼ tiriole oroṅkeda, menkhan bape enecʼlena; homor halaṅkedale, ar koṛam hõ bape ceṭakʼlena.’

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Aposkạmi 20:10

Unre Pạul do latarteye pheḍena ar uni koṛa taber loṭomkedeteye metatʼkoa, “Alope botorokʼa, uni do jiwetʼge menaea.”

Johan sodor 18:22

Okoe peṛesaṅko banam, arko sereń ar tiriyo ar siṅgạko oroṅ onkoakʼ saḍe do ar tishõ amre baṅ ańjomokʼa. Amre tishõ gạkhuṛ kạrigol do ar bako ńamokʼa. Ar amre jante reakʼ saḍe do ar tisge baṅ ańjomokʼa.