Mathae 9:2 - সান্তালী বাইবেল

² Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Santali Common Language New Testament

² Unre hoṛko do jaṛao akan mitʼṭen mitʼkaṛ gocʼ rog hoṛ do parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me. Amakʼ kại do ikạyen tama.”

Mathae 9:2 Referans Kwoze

Mathae 9:22

Jisu do ạcurente uni ńel ńamkedeteye metadea, “E mạ̃i dil joṅme. Amakʼ pạtiạugeye bogeakatʼmea.” Ar inạ ghuṛi khonge maejiu doe boge utạrena.

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

Aposkạmi 19:12

Uniyakʼ gamcha ar oyonakʼ rugiko ṭhenko idiyetʼ tahẽkanre onkoakʼ ruạ do bogekʼkan tahẽkana ar bạṛicʼ jiuko hõko oḍok calakʼkan tahẽkana.

Johan 21:5

Uni do celakoe metatʼkoa, “E bachako jãhãn jomakʼ menakʼtapea? Metadeako, “Bạnukʼtalea.”

Mathae 8:10

Jisu do noa katha ańjomkateye hahaṛayena, ar acʼ pańjayede kankoe metatʼkoa, “Sạrigeń metapekana, Israelko modre nunạkʼ maraṅ pạtiạu do okoere hõ bạń ńelakada.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Mathae 9:6

Menkhan ape jemonpe baḍae daṛeakʼ Manwa Hopon do dhạrtire kại ikạ reakʼ ektiạri menakʼtaea.” Ado noa menkate mitʼ kaṛ gocʼ rog hoṛe metadea, “Ma beretʼme, amakʼ aṭetʼakʼ kuṭuṅtam ar oṛakʼte calakʼme.”

Mathae 8:16

Ạyupʼen khan ạḍi utạr bhut capaṛ hoṛ do uni ṭhenko ạguketʼkoa. Ar moca kathatege uni do bhutkoe oḍok giḍiketʼkoa ar okoeko ruạkʼkan tahẽkan onko hõe bogeketʼkoa.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Johan 2:25

Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.

Mark 5:34

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Mark 1:32

Ado enhilokʼ candoe hạsuren khan ạyupʼ jokhecʼ hoṛko do joto lekan rugi ar bhut capaṛ hoṛko Jisu ṭhenko ạguketʼkoa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Mathae 6:12

Ar aleakʼ dosko ikạ katalem, cetʼ leka ale hõ aleakʼ dodoskole ikạ katako kan;

Mathae 9:5

Okaṭakʼ roṛ algawa, ‘Amakʼ kại ikạyentama,’ se ‘beretʼkate taṛamme?’

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Mark 6:50

ente uni ńelte jotoge botor caṛhaoatʼkoa. Unre Jisu do celako sãoteye roṛ gotʼkeda. Metatʼkoae, “Dil joṅpe, ińkangeạń, alope botorokʼa.”

Mark 10:49

Jisu do teṅgoyenteye metatʼkoa, “Uni hohowaepe.” Khan uni kãṛã hoṛ hohoadeteko metadea, “Alom botorokʼa ma beretʼme. Uni do ame hohowam kana.”

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”