Mathae 8:28 - সান্তালী বাইবেল

²⁸ Inạ tayom Jisu do doreão hanasa Gadarikoakʼ elakateye calaoena. Unre bạṛicʼ jiu capaṛ akatʼkin bar hoṛ do mạ̃ṛĩ poḍa khon oḍokente Jisu ṭhenkin hecʼena.

Santali Common Language New Testament

²⁸ Inạ tayom Jisu do doreão hanasa Gadarikoakʼ elakateye calaoena. Unre bạṛicʼ jiu capaṛ akatʼkin barhoṛ do mạ̃ṛĩ poḍa khon oḍokente Jisu ṭhenkin hecʼena.

Mathae 8:28 Referans Kwoze

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Bikʼcạrko 5:6

Anatren hopon Samgar ar Jayel bidạlre hortenko do sodor ḍahar bạgikate ạcur bihur horko pańjakeda.

Genesis 15:21

Amoriko, Kananiko, Girgạsiko ar Jebusikoakʼ disạm hõ tahena.”

Genesis 10:16

Jebusiko, Amoriko, Girgạsiko,

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Mathae 8:27

Noa ńelte celako do hahaṛayenteko menkeda, “Nui doe okalekan hoṛ kante, hoe hõ hoe ar doreão hõ doreãokin bataoetʼtaea!”