Mathae 8:20 - সান্তালী বাইবেল

²⁰ Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Santali Common Language New Testament

²⁰ Jisu do uniye metadea, “Toyokoakʼ do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hoponakʼ do bohokʼ dohoetae lạgitʼ jaega hõ bạnukʼtaea.”

Mathae 8:20 Referans Kwoze

Sereńko 84:3

E sanam daṛeanicʼ Probhu Isor, ińren raj, ar ińren Isor, amakʼ pinḍ sorrege ghaṛwa cẽṛẽ do oṛakʼko ńam akada, ar bhạluạ cẽṛẽ hõ hopon dohoko reakʼ tukại ńam akada.

Luk 2:7

Ar onḍege uni do acʼren pạhilicʼ koṛa gidrại janamkedea, ar gendrecʼteye bedhaokedete nandwarreye giticʼkedea, ente unkin lạgitʼ okarehõ tahen jaega do baṅ tahẽkana.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Luk 2:16

Ar onko do usạrateko calaoen khan Mạriạm, Joseph ar nandwarre giticʼ akan uni bale gidrạko sendra ńamkedea.

Luk 2:12

Ape lạgitʼ cinhạ do nõkʼõe, ape do kicricʼte bedhao akade ar nandwarre giticʼ akan mitʼṭen bale gidrạpe ńamea.”

Sereńko 109:22

Iń doń nacar ariń reṅgecʼgea; iń do ontore dukiń ńam akada.

Sereńko 69:29

Iń do duk ar hasoreń paṛao akana; E Isor, am do bańcaoińme baṛe ar onko khon pharakińme.

Luk 8:3

ar Herod rajren kạmiạyicʼ Khusạren bạhu Joanna; Susanna arhõ aema maejiukoge. Noko do Jisu ar acʼren celako sapʼsorako lạgitʼ akoakʼ ṭaka-poesa khonko khorocetʼ tahẽkana.

Mathae 12:32

Manwa Hopon upạrte jãhãege jãhãnakʼe roṛ ona do ikạkʼtaea, menkhan sonot Jiu upạrte kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Sereńko 104:17

Ona darekore cẽṛẽkoko tukạyeda; kisni cẽṛẽko hõ saro darereko tukạ joṅkana.

Mathae 19:28

Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 17:9

Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiyakoa.”

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 16:13

Jisu do Kạisạriạ Philipi reakʼ elakateye hecʼenre acʼren celakoe kuliketʼkoa, “Hoṛko do Manwa Hopon okoe kanae menteko meneda?”

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Mathae 12:8

Baḍaekakʼpe, Manwa Hopon kangeae jirạukʼ mãhãren mạlik do.

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.

Daniel 7:13

“Ńindạ jokhecʼ iń do dorsoniń ńelkeda, manwa hopon leka mitʼ hoṛ do coṭ khon rimil talate hijukʼkaniń ńelkedea. Uni do murubbi ṭhene laha idiyena ar uni samaṅreye idi ocoyena.

Sereńko 104:12

Dakʼ aṛerege coṭren cẽṛẽ doko tukạyeda, onko do dare reakʼ ḍạrkoreko cero beroyeda.

Mathae 13:37

Jisui roṛ ruạṛatʼkoa, “Okoe bhage itạye eretʼkan uni doe Manwa Hopon kana.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Luk 9:58

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ do tukạ menakʼa, menkhan Manwa Hopon do bohokʼ dohoytae reakʼ jaega hõ bạnukʼtaea.”

Luk 12:8

“Ińiń metapekana, jãhãege hoṛko samaṅre ińe aṅgociń Manwa Hopon hõ uni do Isorren goḍetko samaṅreye aṅgocea.

Luk 18:8

Ińiń metapekana, onkoakʼ dhorom bicạrtako lạgitʼ uni do bae biloma. Menkhan Manwa Hopone hecʼlenre uni do cetʼ dhạrtire biswạse ńamgea?”

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Johan 3:14

Cetʼleka Mose do hahaṅkarre bińe rakapʼlede onkage Manwa Hopon hõe rakapʼ ocokʼa,

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Johan 6:53

Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniyakʼ mãyãm bape ńule khan apere jion do bạnukʼanaṅ.

Johan 6:62

Enḍekhan Manwa Hopon pạhil okareye tahẽkan onḍe rakapʼ calakʼkanpe ńellere ape do cetʼpe mena?

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Johan 13:31

Ado Jihudạ bahreteye calaoen khan Jisui menkeda, “Manwa Hoponakʼ ṭhonokokʼ reakʼ okte do seṭerena ar unire Isorakʼ ṭhonok do sodorokʼa.

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”