Mathae 7:6 - সান্তালী বাইবেল

⁶ “Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcur ruạṛkate apeko hoṭakʼ cirạpea.

Santali Common Language New Testament

⁶ “Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcurkate apeko hoṭakʼ cirạpea.

Mathae 7:6 Referans Kwoze

Kạhtukko 23:9

Khaṭo bujan hoṛko ṭhen alom galmaraoa; onko do amakʼ ạkil reakʼ kathako nihạ̃t giḍiytama.

Kạhtukko 26:11

Seta cetʼleka acʼakʼ becʼ secʼe ạcurokʼ, onkage bebuj hoṛ do arhõ lelhatetʼe kạmiya.

Philipiko lạgitʼ Pạul apostolakʼ ciṭhi 3:2

Onko setako khon, metakʼme okoe bạṛicʼakʼko kạmikan ar khatna ocokʼ lạgitʼko ãṭokʼkan onko khon sontorokʼpe!

Mathae 15:26

Jisui menkeda, “Gidrạkoakʼ jomakʼ hataokate setako samaṅre lebda giḍikakʼ do baṅ bhagea.”

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

2 Patras 2:22

Onko babotre noa katha do sạrige hoyakana, “Seta do acʼakʼ becʼ secʼe ạcurokʼa,” ar “Sukri do ạrupʼ saphayere hõ leḍreye jobekʼgea.”

Mathae 24:10

Unre ạḍi hoṛko tạkijokʼa ar mitʼ hoṛ do eṭakʼ hoṛe soprotea are hirkhạwaea.

Kạhtukko 11:22

Sukri thotnare sona mạkṛi lekanae, buj suj bạnukʼtae uni mońj utạricʼ maejiu do.

Ibriko 6:6

inạ tayom Mạsi ṭhen khon pạc ruạṛ akanko arhõ nãwãte mon ạcurtako do beleṭecʼakʼ kangea. Noa do baṅ hoedaṛeakʼa, ente onko do Isorren Hopon arhõko kurusede kana ar jotoko samaṅreko henostawae kana.

2 Korinthiko 11:26

Aema disạmiń dãṛã akada. Ḍubạ dakʼ, ḍạkuko hotete, apnar jạtren hoṛ ar boṅgan hoṛ jạtrenko hotete muhinreń paṛaolena. Ona chaḍa iń do nagrahakore, hahaṅkar jaegare, doreãore ar phạsiạra boehako talarehõ muhinreń paṛaolena.

Kạhtukko 26:4

Bebuj hoṛ do acʼakʼ lelhatetʼ leka alom roṛ ruạṛaea, arem roṛ ruạṛae khan am hõ uni lekam hoyokʼa.

Mathae 7:5

E phạsiạra! Pạhilre amakʼ mẽtʼ reakʼ jobra ocokʼ maṛaṅlem, enḍekhan boehamakʼ mẽtʼ khon cubạkʼ oḍokʼ lạgitʼ pusṭạutem ńeńela.

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.