Mathae 7:26 - সান্তালী বাইবেল

²⁶ Ar okoe ińakʼ katha ańjomkate ona leka bae senakʼ uni do lelha hoṛ lekanae, one okoe do gitil cetanre oṛakʼe benaoketʼ.

Santali Common Language New Testament

²⁶ Ar okoe ińakʼ katha ańjomkate ona leka bae senakʼ uni do lelha hoṛ lekanae, one okoe do gitil cetanre oṛakʼe benaoketʼ.

Mathae 7:26 Referans Kwoze

Luk 6:49

Okoe ińakʼ katha ańjomkate ona leka bae kạmi, uni do nonkan hoṛ lekanae, okoe do begor rehetʼ bạisạute hasa cetanre oṛakʼe benaoketʼ. Ado ạtukʼ dakʼ hecʼkate tinre ona oṛakʼre bajaoena unre ona oṛakʼ do lạnduṛ ńurena.”

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Jakob 2:20

E lelha! Kạmi begor biswạs je gocʼgetam ona reakʼ do cetʼ cinhạm khojkana?

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Kạhtukko 14:1

Ạkilan maejiu do acʼakʼ soṅsare benao rakaba, menkhan bebuj maejiu do acʼakʼ titege soṅsare rạpuda.

Jobakʼ 22:16

Onko do okte ạuriregeko idi ocoakana; onkoakʼ rehetʼ do gaḍa dakʼ leka ạtu calakʼkana.

Mathae 7:24

“Onateń metapekana, jãhãege noako kathae ańjom ar ona lekae calakʼ uni do nonkan budan hoṛ kanae, okoe do dhiri cetanre oṛakʼe benaoketʼ.

Mathae 7:25

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; menkhan ona oṛakʼ do baṅ bhindạṛlena, ente ona do dhiri cetanre benao akan tahẽkana.

Mathae 7:27

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; ar ona do lạnduṛena, ar botorge oborena!”