Mathae 7:14 - সান্তালী বাইবেল

¹⁴ Menkhan okaṭakʼ hor jion secʼe ạyur idi ona reakʼ hor do sakṛagea ar duạr hõ suṛucʼgea. Ar thoṛa hoṛge noa doko sendra ńametʼkana.

Santali Common Language New Testament

¹⁴ Menkhan okaṭakʼ hor jion secʼe ạyur idi ona reakʼ hor do sakṛagea ar duạr hõ suṛucʼgea. Ar thoṛa hoṛge noa doko sendra ńametʼkana.

Mathae 7:14 Referans Kwoze

Mathae 22:14

Ado mucạtʼre Jisui menkeda, “Ḍher hoṛgeko hoho ocoakana, menkhan bachaoko doko thoṛagea.”

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Kạhtukko 8:20

Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Mathae 20:16

Golpo mucạtʼre Jisui menkeda, “Onkage okoe do tayomre menakʼko onko doko lahakʼa ar lahatenko doko tayomokʼa.”

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Romiko lạgitʼ Pạul Apostolakʼ ciṭhi 9:32

Cedakʼ bako daṛeada? Ente onko do biswạsre ṭehãḍ baṅkate kạmire ṭehãḍ akanko tahẽkana. Okaṭakʼ dhirire hoṛko tohodokʼ onarege onko hõko tohotʼlena.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Sereńko 16:11

Amge jion reakʼ horkom baḍae ocoakadińạ; cepel cepel rạskạ do am mẽtʼãhã samaṅrege menakʼa, ar amakʼ jojomti secʼ do jaejug reakʼ sukge menakʼa.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.