Mathae 6:24 - সান্তালী বাইবেল

²⁴ “Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Santali Common Language New Testament

²⁴ ‘‘Okoe hõ barea kisạ̃ṛ ṭhen guti ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohope khaṭao daṛelena.

Mathae 6:24 Referans Kwoze

Luk 16:13

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛ doe kurudaea ar eṭakʼicʼ doe dulạṛea, se mitʼ hoṛ doe manotea ar eṭakʼicʼ doe neṅghaoea. Isor ar dhon ṭhen guti do ohogepe khaṭao daṛelena.”

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Luk 16:11

Noa piṛhi reakʼ dhonko cetanre bape pạtiạu ocokʼkan khan enḍekhan sạri dhon do bhorsakate okoeye jimạwapea?

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

2 Rapajko 17:41

Onko do Probhu Isorko sewawae kan tahẽkangea menkhan debotako hõko sewawako kan tahẽkana. Ar teheń hạbicʼ onkoren hoponko ar goṛom gidrạko hõ akoren hapṛamko lekageko taṛameda.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Genesis 47:17

Unre onko do akoren sanam ḍaṅgra-bhiḍiko Joseph ṭhen ạguko ehopʼena. Ar uni do meromko, bhiḍiko, ḍaṅgrako, sadomko ar gadhako bodolte anaj emakoe ehopʼena. Ar sanam mĩhũ-meromko jimại dohoketʼkote goṭa bochorge jomakʼe ematʼkoa.