Mathae 5:9 - সান্তালী বাইবেল

⁹ Sulukokʼkogeko bhạgana, ente onko do Isorren hoponko ńumogokʼa.

Santali Common Language New Testament

⁹ Sulukokʼkogeko bhạgana, ente onko do Isorren hoponko ńumogokʼa.

Mathae 5:9 Referans Kwoze

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Sereńko 120:6

Okoe sulukko kurudakʼkan onkan hoṛko tulucʼ do ar bạń berelokʼa.

Romiko lạgitʼ Pạul Apostolakʼ ciṭhi 8:14

ente okoe Isorren Jiu hoteteko ạyur ocokʼkan onkoge Isorren hoponko hoyokʼa.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Kolossiko lạgitʼ Pạul Apostolakʼ ciṭhi 3:13

Ape apere sapahaokʼpe ar jãhãe upạrte apeakʼ jãhãn dos reakʼ menakʼtae khan uni do ikạkaepe. Probhu Isor cetʼlekae ikạ akatʼpe onkage ape hõ eṭakʼko ikạkako lek kantapea.

Sereńko 34:12

Ape modre noa jion khemao do okoeye menetʼkana? Ar suk jomkate ḍher din bahaokʼ lạgitʼ do okoye khojkana?

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

Aposkạmi 7:26

Dosar hilokʼ Mose do barea Israel hoṛ lạṛhạikane ńelketʼkinạ. Unre sulukokʼ lạgitʼe metatʼkinạ, ‘Henda ho, boehakan coṅ ben, enḍekhan aben talare cedakʼ nonka bạṛicʼ do ben beohareda?’

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

1 Bõsbudạ 12:17

Ar Dạud do onko sãote ńapamokʼ lạgitʼ oḍok hecʼenteye menkeda, “jodi sulukokʼ lạgitʼ iń goṛowạń lạgitʼpe hecʼakan khan enḍekhan ape sãote midokʼ iń khaṛagea, menkhan jãhãn behokakʼ bạń kạmi akatʼre hõ jodi calaki kate bạirikoakʼ tire jimạyiń lạgitʼ nonḍepe hecʼakan enḍekhan aperen hapṛamkoren Isor do onae ńelma ar apeye bicạrpema.”

1 Korinthiko 6:6

Ona bodolte ape do boeha upạrtepe lạliskana, ar ona hõ bepạtiạrko ṭhenge!

Philipiko lạgitʼ Pạul apostolakʼ ciṭhi 4:2

E Euodiạ ar Suntukh, iń do biseskaete noań nehõraben kana, Probhu Isor tulucʼ ben kolom mitʼ akante aben do mitʼ mon akae jemon ben tahen.

Luk 20:36

Onko do ar bako gujukʼa, ente onko do serma goḍet lekako hoyokʼa. Onko do Isoren hoponko hoyokʼa ente gocʼko khonko jiwetʼ beretʼ ocoakana.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.