Mathae 5:5 - সান্তালী বাইবেল

⁵ Mạ̃hir kogeko bhạgana, ente dhạrti do onkogeko ạidạrijoṅa.

Santali Common Language New Testament

⁵ Mạhirkogeko bhạgana, ente dhạrti do onkogeko ạidạrijoṅa.

Mathae 5:5 Referans Kwoze

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jakob 3:13

Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Galathiko lạgitʼ Pạul Apostolakʼ ciṭhi 5:23

mạ̃hir ar sambṛaokʼ. Ar nonkanakʼko upạrte ạn do bạnukʼ anaṅ.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Sereńko 25:9

Uni do nindhạnko dhorom horteye idikoa ar acʼakʼ hor reaṅe cetʼakoa.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Ephesiko lạgitʼ Pạul Apostolakʼ ciṭhi 4:2

Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Titus lạgitʼ Pạul Apostolakʼ ciṭhi 3:2

Onko do okoeyakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Sereńko 37:22

Probhu Isor okoeye bhorako onko do ạidạriko ńama, menkhan okoe uniye sarapako onko doko marao ocokʼa.

Sereńko 37:9

Bạṛicʼ hoṛ doko marao ocokʼa, menkhan Probhu Isorre okoeko bhorsakʼ kan onko do disạmko ạidạri joṅa.

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 25:13

Uni do sulukte acʼakʼ jione khemaoa, ar uniren bõsko do disạmre ạidạriko ńama.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Sereńko 69:32

Ona ńelte mạ̃hir hoṛ doko kusikʼa; ar okoe do Isor baḍaeye reakʼpe ahkaokʼ kan, ape do jiwetʼ tahenpe.

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Romiko lạgitʼ Pạul Apostolakʼ ciṭhi 4:13

Abraham ar uniren bõsko ṭhen Isor doe gokʼleda je, noa dhạrti do Abrahamakʼge hoyokʼa. Ạn-ạriko pańjaete do baṅ, menkhan biswạs hotete uni do dhorom menteye lekhayena ar onatege ona gokʼakʼ do doholena.

Sereńko 147:6

Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Sereńko 22:26

Mạ̃hir hoṛ doko jom bikʼa arko tirpitokʼa; okoe Probhu Isorakʼ sana lekako calakʼ onko do uniko sarhaoea. Onko do jaejug hạbicʼ jiwetʼko tahen ma.