Mathae 5:46 - সান্তালী বাইবেল

⁴⁶ Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Santali Common Language New Testament

⁴⁶ Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Mathae 5:46 Referans Kwoze

Mathae 11:19

Ar Manwa Hopon do hecʼkateye jom-ńũiyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Luk 15:1

Unre aema mạsul uṭhạuko ar bạṛicʼ hoṛko hõ Jisuakʼ katha ańjomtae lạgitʼ uni ṭhenko hecʼ sorena.

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiyakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Luk 19:7

Ar ona ńelte sanamkoge karacʼ kurujokʼko ehopʼena arko menkeda, “Uni do mitʼṭen kại hoṛ ṭhen peṛakʼ lạgitʼe calakʼ kana.”

Luk 19:2

Ar ńelpe, Sakhae ńutuman mitʼṭen hoṛ onḍeye tahẽkana. Uni do maraṅ mạsul-uṭhạuicʼ ar mitʼṭen kisạ̃ṛ hoṛgeye tahẽkana.

Mathae 5:47

Eken apekoren hoṛgepe joharako kan khan enḍekhan eṭakʼko khon bạ̃ṛti do cetʼpe cekayeda? Boṅgan hoṛ jạtrenko hõ cetʼ bako onkayeda?

Mark 2:15

Tayomte Jisu do Lewi oṛakʼre jojome duṛupʼena. Unre aema mạsul uṭhạuko ar bạṛicʼ hoṛko hõ Jisu ar uniren celako sãote jom lạgitʼko duṛupʼena, ente ạḍi utạr hoṛ do Jisu sãoteko calakʼkan tahẽkana.

Mark 2:16

Ado Phạrusiko dolren sostor baḍaeko do Jisu mạsul uṭhạuko ar bạṛicʼ hoṛko tulucʼ jojomkanko ńelkede khan uniren celakoko metatʼkoa, “Uni do mạsul uṭhạuko ar bạṛicʼ hoṛko tulucʼ cedakʼe jom ńũiyeda?”

Luk 3:12

Ado mạsul uṭhạuko bạptisokʼ lạgitʼko hecʼen khan Johanko metadea, “E guru, ale do cetʼle cekaea?”

Luk 5:29

Tayomte Lewi do acʼakʼ oṛakʼre Jisu lạgitʼ maraṅ okocʼe bhojkeda. Ar onko soṅgete ạḍi utạr mạsul uṭhạuko ar eṭakʼko hõ jojomko duṛupʼena.

Luk 5:30

Unre Phạrusiko ar sostor baḍaeko doko karacʼ kurucʼente Jisuren celakoko metatʼkoa, “Mạsul uṭhạuko ar bạṛicʼ hoṛko tulucʼ do cedakʼpe jom ńũiyeda?”

Luk 7:29

Arko ańjomketʼ sanam hoṛko ar mạsul uṭhạuko do Johanakʼ porcarte Isor do dhorom menteko aṅgockedete bạptismako ataṅkeda.

Luk 7:34

Ar Manwa Hopon do hecʼkateye jom ńũiyetʼtepe meneda, ‘ńelepe, uni do lebṛa ar ńu bhuteṛicʼ, mạsul uṭhạuko ar boṅgan hoṛkoren gate kanae.’