Mathae 5:22 - সান্তালী বাইবেল

²² Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Santali Common Language New Testament

²² Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ’ uni do norok seṅgelre khadle ocokʼ leke hoyokʼa.

Mathae 5:22 Referans Kwoze

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

Jakob 3:6

Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

Titus lạgitʼ Pạul Apostolakʼ ciṭhi 3:2

Onko do okoeyakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 18:35

“Onkage, ape mimitʼko aperen boehako apeakʼ ontorte bape ikạleko khan, sermare menae ińren Baba hõ apeye onkawapea.”

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

Mathae 18:21

Unre Patras do hecʼkate Jisui metadea, “E Probhu Isor, boehań iń upạrteye kạilere tinạkʼ dhaoiń ikạitaea? Eae dhao hạbicʼ?”

Sereńko 109:3

Onko do kurud kathateko esetʼ ạcur akadińạ, ar khamakhate iń tulucʼko lạṛhại kana.

Sereńko 37:8

Edrekʼ do ikạkakʼme, hataṅ alom loloe tama; ar alom jal jalaokʼa, ente ona do eken bạṛicʼ secʼgeye ạyur idiya.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Mark 14:55

Ar maraṅ naekeko ar maraṅ bạisiren hoṛko do Jisu goje lạgitʼ gohako ńam baṛayetʼkan tahẽkana, menkhan onko do okaṭakʼ gohage bako ńamleda.

Mathae 26:59

Unre maraṅ naekeko ar maraṅ bạisiren sanam hoṛko do Jisu goje lạgitʼ eṛe gohakoko ńam baṛayetʼko tahẽkana.

Dosar Biboron 15:11

Reṅgecʼ hoṛ do dhạrtireko tahengea. Onate noań hukumape kana, aperen boehako secʼ ar disạmren reṅgecʼ ar nacar hoṛko secʼ apeakʼ ti do khulạge tahentape ma.

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmikana.

Johan sodor 20:14

Tayomte moron ar patal puri do seṅgel reakʼ doreão rekin khadle ocoyena. Noa seṅgel reakʼ doreãore ńurokʼge hoyokʼ kana dosar gujukʼ. Ar okoeyakʼ ńutum ona jion reakʼ puthire baṅ ńamlen, onko do seṅgel reakʼ doreãoreko khadle ocoyena.

Aposkạmi 7:37

Nui kangeae uni Mose one uni Israelkoe metatʼko tahẽkan, ‘aperen Isor do aperen Israel boehako tala khon iń leka mitʼṭen nạbiye teṅgoapea.’

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Mathae 5:34

Menkhan ińiń metapekana, alotetʼgepe kiriạkʼa. Serma ńutumte hõ alo, ente ona do Isorakʼ siṅghạson kana.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Obodiạ 1:10

Amren boeha Jakob upạrte santao lạgitʼ am do lajaotem dapalokʼa; am do jaejug lạgitʼem marao utạrokʼa.

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Sereńko 7:4

ar ińren gateakʼ iń bạṛicʼ akatʼ khan, okoe do ạuṛiyakʼte ińren bạiriye hoylen iń do uni hõń bańcao akadea.

Genesis 37:4

Uniren boehako tinreko bujhạukeda, akoren apat do Josephge bạ̃ṛtiye dulạṛedea mente unre onko do uni hiskạwaeko ehopʼena. Ar uni tulucʼ katha hõ mońte bako roṛetʼ tahẽkana.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Jakob 2:20

E lelha! Kạmi begor biswạs je gocʼgetam ona reakʼ do cetʼ cinhạm khojkana?

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

1 Korinthiko 6:10

baṅ do kombṛoko, baṅ do dhon lalociạko, baṅ do bulokʼko, baṅ do cokakʼ baklakʼ roroṛko, baṅ do luluṭko, onko do okoege Isorakʼ raj do bako ạidạri joṅa.

1 Korinthiko 6:6

Ona bodolte ape do boeha upạrtepe lạliskana, ar ona hõ bepạtiạrko ṭhenge!

Aposkạmi 5:27

Onko do apostolkoko ạguketʼko khan maraṅ bạisi samaṅreko teṅgoketʼkoa. Unre maraṅ naeke do apostolkoe metatʼkoa,

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Johan 8:48

Unre Jihudi mukhiyạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Johan 7:20

Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭukana?”

Mark 15:1

Maraṅ naekeko do ạḍi setakʼre, murubbiko, sostor baḍaeko ar maraṅ bạisiren hoṛko soṅgekate mitʼṭecʼko solhakeda. Ar ona tayom do Jisuko tol idikedete Romren disạm cakʼlaoyicʼ Pilạt ṭhenko jimạkadea.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 23:15

“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Obodiạ 1:12

Am boehawakʼ hale ḍale oktere am do ạḍitetʼem kusiyena, ar Jihudạren hoṛkoakʼ maraokʼ dinre onko babotrem hulạsena ar onkoakʼ kosṭo hilokʼre do bạḍạitem perecʼlena.

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Daniel 3:13

Noa katha ańjomkate Nebukadnesar raj do edreteye seṅgelena ar Sedrok, Mesak ar Abed-nego teko hoho ạguko lạgitʼ hoṛe kolketʼkoa. Ar onko do raj samaṅreko ạgu ocoyena.

Rak̕joṅ 3:52

Ạuṛiyakʼte okoe ińren bạiriko hoyakan onko do cẽṛẽ leka laga lagate ińko ṭuṭi akadińạ.

Jirimiạ 17:11

“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Kạhtukko 18:6

Khaṭo budanicʼakʼ katha iạte mambla hoyokʼa, ar acʼakʼ katha iạtege uni do dale joma.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Sereńko 35:19

Eṛe iạte okoe do ińren bạiriko hoyakan onko ṭhen do alom landa dhutʼ ocoyińạ; ar khanakhate okoeko kurudạń kan iń upạrte mẽtʼ do alom ripitʼ ocoakoa.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Nehemiạ 5:8

Ińiń menkeda, “Be-Jihudiko ṭhen okoeko boehako ạkhrińlen tabon onko do daṛeakʼ bhor bon chaḍao ạgu akatʼkoa.” Ar ńitokʼ do aperen boehako ạkhrińokʼpe jormoṭetʼkoa, onate onko do arhõ kiriń ruạṛ lagao abona.” Niạ katha ańjomkate onko do hapegeko tahẽyena, ente roṛ ruạṛ reakʼ cetʼge baṅ tahẽkantakoa.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

2 Samuel 16:7

Simaiye do sarap em emteye menkeda, “Men ocogokʼme, men ocogokʼme, eya mãyãm jokʼroyicʼ, eya dusṭạmi hoṛ!

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

2 Bõsbudạ 19:5

Uni do disạm talare, metakʼme Jihudạ reakʼ mimitʼ goṭecʼ pạcrite esetʼ ato ar nagrahakore bikʼcạrkoe bahalketʼkoa.

Luk 22:66

Ado setakʼen khan Jihudikoren murubbiko, maraṅ naekeko ar sostor baḍaekoko jarwa mitʼena ar maraṅ bạisi samaṅre Jisu ạgukedeteko metadea,

Aposkạmi 4:15

Onate onko do maraṅ bạisi khon oḍok calakʼ lạgitʼko hukumatʼkinạ. Ar inạ tayom onko do mitʼ ṭhenko jarwayente sopolhako dhurạuena.

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼakoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubbiko dolren jotoko hoho jarwaketʼkoa. Ona tayom apostolko ạguko lạgitʼ adom kạmiyạkoko kolketʼkoa.

Aposkạmi 6:12

Nonkate onko do disạm hoṛko, murubbiko ar sostor baḍaekoko ạulạuketʼkoa ar Stephanko sapʼkedete maraṅ bạisi samaṅreko ạgukedea.

Aposkạmi 6:15

Ado ona maraṅ bạisire okoeko duṛupʼ akan tahẽkan onko sanamkoge Stephanko beṅgetʼ uricʼade khan uniyakʼ mẽtʼãhã do sermaren mitʼṭen goḍetakʼ mẽtʼãhã lekako ńelketʼtaea.

Aposkạmi 22:30

Jihudiko cedakʼ Pạulko dusiyede kana ona ṭhik lekate baḍae lạgitʼ dosar hilokʼ maraṅ subeder do Pạule raṛakedea ar maraṅ naekeko ar maraṅ bạisiren hoṛko mitʼ ṭhen jarwakʼ lạgitʼe hukumatʼkoa. Ona tayom Pạul ạgukate onko samaṅreye teṅgokedea.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 24:20

Se okoeko nonḍe menakʼko onkogeko men ocoge, maraṅ bạisi samaṅre tinreń teṅgo akan tahẽkana unre cetʼ dosko ńamletʼtińạ mente.