Mathae 5:10 - সান্তালী বাইবেল

¹⁰ Dhorom iạte santao ar khed ocokʼkogeko bhạgana; ente serma raj do onkoakʼ kangea.

Santali Common Language New Testament

¹⁰ Dhorom iạte santao ar khed ocokʼkogeko bhạgana; ente serma raj do onkoakʼkangea.

Mathae 5:10 Referans Kwoze

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

Philipiko lạgitʼ Pạul apostolakʼ ciṭhi 1:28

Okoe ape upạrte menakʼko onkoakʼ okaṭakʼtege ape do alope botorokʼa. Ar noatege sạbudokʼa, onko do nosṭokʼ secʼko calakʼ kana ar ape do bańcao secʼ; ar noa bańcao do Isor ṭhen khonge hijukʼkana.

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.

Mark 10:30

uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire do jaejug jione ạidạri joṅa.

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼkangea.

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Mathae 19:14

Jisu do onkoe metatʼkoa, “Kạṭicʼ gidrạko iń ṭhen hecʼ ocoakope, alope manakoa, ente serma raj do nonkankoakʼ kangea.”

Mark 10:14

Jisu do ona ńelkate bae kusilente celakoe metatʼkoa, “Kạṭicʼ gidrạko iń ṭhen hecʼ ocoakope, alope manakoa; ente Isorakʼ raj do nonkankoakʼ kangea.

Luk 22:29

Ińren Baba cetʼleka ektiạriye emakawạdiń onkage iń hõ apeko ektiạriń dan akawatʼpea.

Jakob 5:11

Okoe sombhurikateko sahao akatʼ onko do bhạgankole metakokana. Ape do Jobe sumbrạuletʼ reakʼ kathape ańjomakada ar Probhu Isorakʼ kạmi reakʼ mucạtʼ jo do bhagegea mente ona hõpe ńelakada. Probhu Isorakʼ daya ar mãyã reakʼ mucạtʼtetʼ do bạnukʼa.