Mathae 4:19 - সান্তালী বাইবেল

¹⁹ Jisui metatʼkinạ, “Dela iń sãote hijukʼ ben, iń do hoṛ sasapʼ hoṛiń benao bena.”

Santali Common Language New Testament

¹⁹ Jisui metatʼkinạ, “Dela iń sãote hijukʼ ben, iń do hoṛ sasapʼ hoṛiń benao bena.”

Mathae 4:19 Referans Kwoze

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Luk 9:59

Ado eṭakʼ mitʼ hoṛe metadea, “Dela iń soṅgete hijukʼme.” Menkhan uni hoṛ doe menkeda, “E Probhu, ạpuń topaye lạgitʼ sen maṛaṅ ocowạńme.”

Johan 21:22

Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Johan 1:43

Dosar hilokʼ Jisu do Gạlil Prodeste calakʼe goṭawana. Un jokhecʼ Philipe ńelkede khan uniye metadea, “Dela pańjayińme ar ińren cela hoyokʼme.”

Luk 5:27

Inạ tayom Jisu do bahreteye calaoena ar mạsul uṭhạu oṛakʼre Lewi ńutuman mitʼṭen mạsul-uṭhạuicʼ do duṛupʼakane ńelkedea. Jisu do Lewiye metadea, “Dela hijukʼte, ińren cela hoyokʼme.”

Mark 2:14

Inạ tayom horteye parom calakʼkan tahẽkanre Alphaeren hopon Lewi do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela hijukʼte, ińren cela hoyokʼme.” Unre Liwi doe beretʼente Jisui pańjakedea.

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

Mathae 9:9

Jisu onḍe khone calakʼkan tahẽkan jokhecʼ Mathaeko metae mitʼ hoṛ do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela ińren cela hoyokʼme.” Ar unrege Mathae doe beretʼente Jisui pańjakedea.

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjayińme.”

2 Korinthiko 12:16

Bogegea, aperen bojha do bạń hoyakana, menkhan jãhãeko men botecʼkea, iń do bondhekteń bulạu akatʼpea.

Mathae 4:18

Jisu do Gạlil doreão aṛe aṛeteye calakʼkan tahẽkanre Simon, okoe do Patrasko metaekan ar uniren boeha Andreas tạkine ńel ńamketʼkinạ. Unkin do doreãore jhạlikin oḍaokan tahẽkana, ente unkin do jạilạkin tahẽkana.

Mathae 4:20

Unkin do unrege jhạlikin bạgi oṭowatʼte Jisukin pańjakedea.