Mathae 4:16 - সান্তালী বাইবেল

¹⁶ ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Santali Common Language New Testament

¹⁶ ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut disạmreko duṛupʼ akan, onko do marsal rakapʼakoa.

Mathae 4:16 Referans Kwoze

Jesaea 9:2

Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Amos 5:8

Okoe do soren-ipilko ar arãṛ lalakʼ ipilkoe benao akatʼko, ar okoe do ńute marsal ocoyetʼkan ar siń doe ńut ocoyetʼkan, okoe do jalapuri reakʼ dakʼe hoho ạguiyetʼte pirthimi cetanreye dul bubhạuetʼ, uniyakʼ ńutum do Probhu Isor kangea.

Jobakʼ 34:22

Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jobakʼ 10:22

Ona do kaṛaṅ ńutakʼ disạm kana, moron dhund reakʼ disạmge; onḍe do marsal reakʼ rãtge bạnukʼa.”

Jobakʼ 3:5

Dhund ar moron ńutge onakin apnar joṅma; rimil do uniye danaṅ esedema, ar kaṛaṅ ńut do onae botor ocoyma.

Sereńko 44:19

Menkhan am do enhõ nonkan mitʼ jaegare alem rạputʼ caba akatʼlea one okare toyokoakʼ ḍerakan; ar ale do kaṛaṅ ńutrem esetʼ ạcur akatʼlea.

Jesaea 9:1

Menkhan lahate okoe do gạr ar muhinreko tahẽkan onko do ńutre ar bako tahena. Lahateakʼ dinkore Isor do Sebulon ar Napthali ṭoṭhae copotʼ ocoleda, menkhan tayom daram dinkore jalapuri aṛeteakʼ hor khon ehopʼkate Jordan gaḍa purub aṛe reakʼ ṭoṭha boṅgan hoṛ jạtrenkoakʼ Gạlil hạbicʼe manot ocoya.