Mathae 3:7 - সান্তালী বাইবেল

⁷ Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Santali Common Language New Testament

⁷ Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńirjoṅ lạgitʼ bud do okoeye ematʼpea?

Mathae 3:7 Referans Kwoze

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu Mạsi, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

Romiko lạgitʼ Pạul Apostolakʼ ciṭhi 1:18

Manwa do Isorakʼ sạriyakʼtetʼ akoakʼ bedhoromteko ten esetʼeda, onate sanam bebhokti ar sanam bedhorom kạmiko iạte serma khon Isorakʼ edre do manwakore sodorokʼ kana.

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Romiko lạgitʼ Pạul Apostolakʼ ciṭhi 5:9

Enḍekhan Mạsiyakʼ mãyãm hotete tinre abo do dhorom mente bon ataṅ ocoakana unre abon do Mạsi hotetege Isorakʼ sạjại khon khạṭige rukhiyạ bon ńama.

Mathae 22:23

Enhilokʼge adom Sạdukiko do Jisu ṭhenko hecʼena. Sạdukiko ṭhen do gocʼkoakʼ jiwetʼ beredokʼ reaṅ do cetʼge bạnukʼa.

Mathae 16:6

Ado Jisui metatʼkoa, “Phạrusiko ar Sạdukikoakʼ khạmi khon sontor akan tahenpe.”

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

Johan 9:40

Adom Phạrusiko do Jisu sãoteko tahẽkana. Onko do noa katha ańjomte Jisuko metadea, “Enḍekhan ale hõ cetʼle kãṛãgea?”

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Aposkạmi 26:5

Onko do ḍher din khonge ińko orom akadińạ ar goha emokʼko menle khan noako emdaṛeakʼa je, iń do aleakʼ dhoromre Phạrusiko ńutuman okaṭakʼ dol menakʼ ona Phạrusi dhorom leka jioniń khemaoetʼ tahẽkana.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 15:5

Unre Phạrusikoren thoṛa hoṛ hõ biswạsiko tahẽkana. Onko do teṅgoyenteko menkeda, “Boṅgan hoṛ jạtrenko do khatnakʼ jạruṛgetakoa ar Moseyakʼ ạn-ạri jemonko pańjae ona lạgitʼ hukum emako jạruṛa.”

Aposkạmi 5:17

Unre maraṅ naeke ar acʼ sãoten Sạdukiko do ạḍi bạṛicʼko edreyena.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Johan 1:24

Johan ṭhen okoeko kol ocolen onko do Phạrusiko tahẽkana. Onko do Johanko kulikedea,

Luk 18:11

Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Luk 7:30

Menkhan Phạrusiko ar sostor baḍaeko do Johan ṭhen bako bạptislente Isorakʼ monejoṅakʼko neṅghaokeda.

Mark 12:18

Ado Sạdukiko modren adomko do Jisu ṭhenko hecʼena. Sạdukiko ṭhen do gocʼkoakʼ jiwetʼ beredokʼ reakʼ do cetʼge bạnukʼanaṅ.

Mark 12:13

Onko sostor baḍaeko do Jisu acʼakʼ kathate jhạliye lạgitʼ Phạrusiko ar Herod secʼrenkoko kolketʼkoa.

Mark 8:15

Unre Jisui metatʼkoa, “Phạrusiko ar Herodrenkoakʼ khạmi khon sontor akae tahenpe.”

Mathae 22:34

Jisu do Sạdukikoakʼ mocae bond akatʼtakoa mente Phạrusikoko ańjomketʼ khan onko do mitʼ ṭhenko jarwayena.

Mathae 22:15

Unre Phạrusiko doko calaoena ar Jisu acʼakʼ kathate cekateko jhạliyea ona reakʼ sopolhako dhurạuena.

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 5:20

Ińiń metapekana, apeakʼ dhorom do Phạrusiko ar sostor baḍaeko khon baṅ soroslentape khan ape do serma rajre ohogepe bolo daṛelena.

Jesaea 59:5

Onko do bisan bińakʼ beleko oboreda ar bindi ganakʼko gakʼeda. Ar ona bele okoeye jom uni doe gujukʼa; ar onako reakʼ mitʼṭecʼ posakʼlen khan ona khon bisan biń doe oḍokʼ hijukʼa.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Mathae 15:12

Unre celako hecʼkateko metadea, “Amakʼ noa kathate Phạrusikoko tạkijokʼkan dom baḍae kangea?”

Kạhtukko 28:4

Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Mathae 16:1

Phạrusiko ar Sạdukiko do Jisu bidạue lạgitʼ uni ṭhenko hecʼena ar serma khon mitʼṭecʼ cinhạ udukʼako lạgitʼko metadea.