Mathae 3:6 - সান্তালী বাইবেল

⁶ Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Santali Common Language New Testament

⁶ Ar tinre onko hoṛ do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Mathae 3:6 Referans Kwoze

Aposkạmi 19:18

Ar okoe do Probhu Jisureko pạtiạu akan tahẽkan nonka ḍher hoṛge hecʼkate akoakʼ bạṛicʼ kạmi reaṅ sodorteko aṅgockeda.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Ibriko 6:2

eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.

Kolossiko lạgitʼ Pạul Apostolakʼ ciṭhi 2:12

Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ beretʼ ocoakana.

1 Korinthiko 10:2

Mose tulucʼ midokʼ lạgitʼge onko do rimil ar doreãoteko bạptis ocolena.

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

Aposkạmi 11:16

Unre Probhu Isore roṛletʼakʼ katha disạ hecʼạdińạ, ‘Johan do dakʼteye bạptisetʼkokan tahẽkana, menkhan ape do sonot Jiutepe bạptis ocokʼa.’

Aposkạmi 1:5

Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Mark 1:5

Onate Jihudạ disạm ar Jerusalem nagraharen sanam hoṛko do oḍok hecʼente Johan ṭhen hijukʼko ehopʼena. Ar tinre onko do akoakʼ kạikoko aṅgocketʼa unre Johan do Jordan gaḍareye bạptisketʼkoa.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Numeri 5:7

Uni okae kại akatʼ ona do aṅgoc hoyokʼtaea. Ar okoe cetanreye behok akatʼ uni do khuti purun emkatae hoyokʼtaea. Okaṭakʼ jinis reaṅe behok akatʼ ona jinis reakʼ dam sãote arhõ mõṛẽ hĩs reakʼ mitʼ hĩs dam ḍher emokʼ hoyokʼtaea.

Levitikus 26:40

“Ińre bepạtiạu ar iń birudre teṅgokʼ iạte iń hõ onko upạrteń teṅgona ar bạirikoakʼ disạmteń idikoa. Menkhan onḍe ako ar akoren hapṛamkoakʼ dosko aṅgocte ontorko nidhạntakoa ar dos akatʼ iạte sạjại reakʼko ataṅ,

Levitikus 16:21

Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Luk 1:16

Israelko modren ḍherkoge akoren Probhu Isor secʼe ruạṛ ạgukoa.