Mathae 3:16 - সান্তালী বাইবেল

¹⁶ Ado Jisu bạptiskate dakʼ khone rakapʼen sãote sãote uni samaṅre serma do jhicʼena. Ar Isorren sonot Jiu do parwa leka acʼ cetanre pheḍ hijukʼkane ńelkedea.

Santali Common Language New Testament

¹⁶ Ado Jisu bạptiskate dakʼ khone rakapʼen sãote sãote uni samaṅre serma do jhicʼena. Ar Isorren sonot Jiu do parwa leka acʼ cetanre pheḍ hijukʼkane ńelkedea.

Mathae 3:16 Referans Kwoze

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Mark 1:10

Ar dakʼ khone rakapʼtʼen são sãote Jisu do serma oṛejokʼkan ar sonot Jiu parwa leka acʼ cetanre pheḍ hijukʼkane ńelkedea.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”

Jeheskel 1:1

Pegel bochor reakʼ ponakʼ cando reakʼ mõṛẽakʼ dinre Kebar gaḍa aṛere bondi akan hoṛko talareń tahẽkanre iń samaṅre serma do jhicʼena ar Isorakʼ dorson iń ńelkeda.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.