Mathae 28:8 - সান্তালী বাইবেল

⁸ Unkin do botor ar rạskạ salakʼ usạrate topa khon oḍokkate Jisuren celako noa khobor lạiyako lạgitʼkin ńir calaoena.

Santali Common Language New Testament

⁸ Unkin do botor ar rạskạ salakʼ usạrate topa khon oḍokkate Jisuren celako noa khobor lạiako lạgitʼkin ńir calaoena.

Mathae 28:8 Referans Kwoze

Sereńko 2:11

Bhokti salakʼ Probhu Isor dewa sewawaepe, ar ontorre botor salakʼ rạskạkʼpe.

Mark 16:8

Onko maejiu do cetʼhõ bako bujhạu daṛeatʼte thar tharaokʼ tulucʼ topa dander khon oḍokkateko dạṛkeda. Onko do nunạkʼko botorena je, botorte okoe hõ cetʼge bako lạiyatʼkoa.

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Mathae 28:7

Ar usạra senkate uniren celako lạiyako ben uni do gocʼko khone jiwetʼ beretʼ akana ar onko lahate Gạlilteye calakʼ kana. Onko do onḍegeko ńelea. Ar ńelben, iń doń lại lahawatʼbena.”

Mathae 28:9

Ar ackage unkin samaṅre Jisui hecʼenteye joharatʼkinạ. Unkin do sen sorkate jaṅgakin hạṛupʼkedea arkin sewawadea.