Mathae 28:3 - সান্তালী বাইবেল

³ Uniyakʼ muṭhạn do bijli leka ar uniyakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Santali Common Language New Testament

³ Uniakʼ muṭhạn do bijli leka ar uniakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Mathae 28:3 Referans Kwoze

Aposkạmi 1:10

Ado Jisu coṭ secʼe rakapʼ calakʼkan tahẽkanre celako do serma secʼko koyokʼ uricʼ akatʼ tahẽkana. Ar unre ponḍ kicricʼ horokʼ akatʼ bar hoṛ do celako ṭhen teṅgoyentekin menkeda,

Mark 9:3

Uniyakʼ kicricʼko do nonka pĩṛĩtʼ pĩṛĩtʼ ponḍena je, dhạrtiren okoe dhubi hõ onka do ohoe ponḍ oco daṛekea.

Mark 16:5

Ado topa bhitriteko boloyen khan jojomsa aṛere ponḍ kicricʼ horokʼ akatʼ mitʼṭen juạn hoṛ duṛupʼ akanko ńelkedea, ar onate ạḍitetʼko tharbasaoena.

Johan sodor 18:1

Inạ tayom ar mitʼṭen goḍet serma khon pheḍ hijukʼ kaniń ńelkedea. Uni do maraṅ ektiạri tahẽkantaea ar dhạrti do uniyakʼ ṭhonokte marsalena.

Johan 20:12

Jisuakʼ mạ̃ṛĩ okare dohoakan tahẽkan onḍe ponḍ kicricʼ horokʼ akatʼ barea serma goḍet duṛupʼ akane ńelketʼkinạ, mitʼṭen do bohokʼ secʼre ar eṭagicʼ do jaṅga secʼre.

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Daniel 7:9

“Tayomteń ńelkeda adomakʼ siṅghạso doho ocoyena ar mitʼṭecʼ mare haṛam hoṛ do acʼakʼ siṅghạsonreye duṛupʼena. Uniyakʼ kicricʼko do him leka ponḍ ar uniyakʼ bohokʼ reakʼ upʼ do ponḍ il leka tahẽkana. Uniyakʼ siṅghạson ar siṅghạson reakʼ pạ̃ihạ̃kore do seṅgel jolokʼkan tahẽkana.

Sereńko 104:4

Hoe do amren goḍetem benao akadea; ar jolokʼkan seṅgel do amren golamem hoyocoakadea;

Mathae 28:4

Uni botorte pahradarko do thar tharaokʼko ehopʼena arko gocʼ hoṛ baragena.