Mathae 28:18 - সান্তালী বাইবেল

¹⁸ Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Santali Common Language New Testament

¹⁸ Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Mathae 28:18 Referans Kwoze

Johan 3:35

Baba do Hopone dulạṛede kana ar uniyakʼ tirege jotowakʼe emakada.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Ibriko 2:8

Sanamakʼge uniyakʼ jaṅga latarrem gobol akada. Isor do sanamakʼge tinre manwa gobolreye dohokeda unre ona khon do cetʼge bae sarecʼlakʼa. Menkhan ńitokʼ sanamakʼge manwa gobolre bon ńeletʼ kana ona do baṅ,

1 Korinthiko 15:27

Sostor reakʼ katha leka, “Uni do sanamakʼge acʼakʼ jaṅga latarreye dohokeda.” Ar jotowakʼge gobolre dohoakana mente menle khan pusṭạute bujhạukʼ kana okoe jotowakʼko Mạsiyakʼ gobolreye dohoakatʼ uni Isor acʼtetʼ do ona khone chaḍaogea.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Kolossiko lạgitʼ Pạul Apostolakʼ ciṭhi 2:10

Uni do serma cetanren sanam cakʼlaoko ar ektiạrikoren matha kanae.

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Romiko lạgitʼ Pạul Apostolakʼ ciṭhi 14:9

Mạsi doe gocʼlena are jiwetʼ beretʼena jemon uni do jiwetʼko ar gocʼkoren Probhui hoydaṛeakʼ.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛeanicʼ Isorakʼ jojomsa aṛere duṛupʼakan ar rimilte hijukʼkanpe ńelea.”

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Sereńko 89:19

Mitʼ dhao am do dorsonte am botoramkom metatʼko tahẽkana, “Iń do mitʼṭen birbanṭa hoṛiń goṛo akadea; ar onko mod khon mitʼ hoṛiń bachaoante coṭteń rakapʼ akadea.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Kạhtukko 8:15

Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;

Johan 3:31

Coṭ khon hijukʼkạnicʼ do sanamko cetanren kanae. Okoe dhạrti khone hijukʼkan uni do dhạrtiren kanae, ar uni do dhạrti reakʼ kathageye roṛa. Menkhan okoe serma khone hijukʼkan uni do sanamko cetanren kanae.