Mathae 27:43 - সান্তালী বাইবেল

⁴³ Uni do Isorreye bhorsa akana; ńitokʼ Isor unire kusiye tahen khan enḍekhane bańcaoema. Uni ma apnarte Isorren Hopone ńumugokʼ kan tahẽkana.”

Santali Common Language New Testament

⁴³ Uni do Isorreye bhorsa akana; ńitokʼ Isor unire kusiye tahen khan enḍekhane bańcaoema. Uni ma apnarte Isorren Hopone ńumugokʼkan tahẽkana.”

Mathae 27:43 Referans Kwoze

Sereńko 22:8

“Uni ma Probhu Isorreye bhorsakʼkan, enḍekhan unigeye rukhiyạyema; ar unigeye bańcaoema, ente uniregeye kusi akana.”

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor upạrte henosta katham roṛeda?’

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Johan 10:30

“Iń ar Baba doliń mitʼgea.”

Mathae 27:40

“Eya mundil dhaṅ dhasericʼ ar pe mãhãte benaoicʼ! Enḍekhan ńitokʼ apnarte bańcaokʼme. Isorren Hopon kan khanem enḍekhan kurus khon pheḍ hijukʼme.”

Jesaea 37:10

“Jihudạren raj Hiskiạ nonka metaepe, ‘okoe cetanrem bhorsakʼkan uni Isor doe meneda, Ạsurren rajakʼ tire Jerusalem do baṅ soprotokʼa. Uniyakʼ ona eṛe kathate am do alom bulạu ocokʼa.

Jesaea 36:18

Hiskiạ do aloe ạnḍicʼpe ma oneye metape, Probhu Isorgeye rukhiyạbona. Jạt jạtkoren jãhãe debotage cetʼ Ạsur rajakʼ ti khon acʼakʼ disạme rukhiyạ daṛeakada?

Jesaea 36:15

Hiskiạ do nonka menkate Probhu Isorre aloe bhorsa ocope ma enkathae, ‘Probhu Isor do khạṭige apeye bańcaopea; ar niạ nagraha do Ạsurren rajakʼ tire bae jimạyea.”

Sereńko 71:11

Onko doko meneda, “Isor do uniye bạgi giḍi akadea; uni do laga sabepe, uni bańcaoe lạgitʼ do celege bạnukʼkoa.”

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Sereńko 14:6

Ape okoe do bạṛicʼakʼpe kạmikan, ape do nacar hoṛkoakʼ kạmipe bạṛicʼetʼtakote lajaorepe paṛaoetʼkoa, menkhan Probhu Isorge onkoren hirlạ do.

Sereńko 3:2

Ḍher hoṛge iń reakʼko roṛeda, “Isor do uni bae rukhiyạyea.” (Sela)

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Luk 23:37

“Jihudikoren rajkan khanem, ma amte bańcaokʼme.”