Mathae 27:41 - সান্তালী বাইবেল

⁴¹ Maraṅ naekeko ar sostor baḍaeko ar murubbiko hõ siṛogadeteko menkeda,

Santali Common Language New Testament

⁴¹ Maraṅ naekeko ar sostor baḍaeko ar murubiko hõ siṛogadeteko menkeda,

Mathae 27:41 Referans Kwoze

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Luk 22:52

Ado acʼ upạrte hecʼakan maraṅ naekeko, mundilren kạmiyạko ar murubbikoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń ṭhenpe hecʼakana?

Luk 18:32

Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 28:22

Onate ńitokʼ apeakʼ ṭiṭkạri katha do thirtape, ar baṅkhan apeakʼ totolakʼ do arhõ urijokʼtapea; ente phạdkoren Probhu Isorakʼ mocare goṭa dhạrti jarkharokʼ reakʼ kathageń ańjomakada.

Jobakʼ 13:9

Uniye biḍạu aṭkarlepe khan ape do cetʼ bhage hoyokʼtapea? Manwa cetʼ lekae ṭhoka ocokʼ onka do cetʼ unipe ṭhoka daṛekea?

Mathae 27:40

“Eya mundil dhaṅ dhasericʼ ar pe mãhãte benaoicʼ! Enḍekhan ńitokʼ apnarte bańcaokʼme. Isorren Hopon kan khanem enḍekhan kurus khon pheḍ hijukʼme.”

Mathae 27:42

“Uni do eṭakʼkoe bańcaoetʼko tahẽkana; acʼ do bae bańcao daṛeakʼkana; Israelkoren raj kanae men khan, ńitokʼ kurus khone pheḍ hijukʼma. Enḍekhan ale hõ unirele pạtiạukʼa.