Mathae 27:4 - সান্তালী বাইবেল

⁴ “Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Santali Common Language New Testament

⁴ “Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Mathae 27:4 Referans Kwoze

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

1Timothi 4:2

Bibek goṛdho akan nonkan eṛe hoṛkoakʼ phạsiạrate nonka do hoyokʼa.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Aposkạmi 13:28

Onko do Jisuakʼ gocʼ ocokʼ reaṅ jãhãn dos bako ńamletʼtaere hõ Pilạtko metadea jemon uniye goje.

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Luk 23:47

Noa ńelte Romren subedar do Isor sarhaokedeteye menkeda, “Sạrige uni do bin dusạngeye tahẽkana.”

Luk 23:41

Alaṅ ma lek reakʼ ar kạmi akatʼ lekage sạjại laṅ ńametʼkan, menkhan nui do cetʼ hõ bae dosakatʼa.”

Luk 23:22

Pilạt do tesar dhao arhõ hoṛkoe metatʼkoa, “Cedakʼ, nui do cetʼe dos akada? Iń do uniyakʼ jãhãn dosge bạń ńeletʼtaea, one onate gujukʼ sạjại iń emdaṛeke. Onate sạjại emkateń aṛakʼgotʼkaea.”

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Jona 1:14

Unre onko do Probhu Isor hohoadeteko menkeda, “E Probhu Isor, nui hoṛakʼ gujukʼ iạte alo jemonle gujukʼ. Ar mitʼṭen miridos hoṛakʼ gujukʼ iạte ale do alom dusi ocolea, ente E Probhu Isor, am do amakʼ sana lekam kạmikana.”

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jobakʼ 16:2

“Nonkan katha do ḍhergeń ańjom akada; ạḍi bạpuṛicʼ jiwi rakʼṛecʼko kangeape ape do!

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

Exodus 12:31

Pharao do enhilokʼ ńindạge Mose ar Arone hoho ạgu ocoketʼkinteye metatʼkinạ, “Aben do Israelko soṅgekate ińren hoṛko tala khon oḍokokʼ ben. Ar cetʼleka ben menetʼkan onkage senkate aperen Probhu Isor sewawaepe.

Exodus 9:27

Pharao do unre Mose ar Aron hohowatʼkinteye metatʼkinạ, “Niạ bar doń kại akada. Probhu Isor do ṭhikgeye kạmiakatʼa. Iń ar ińren hoṛgele dusigea.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

Jobakʼ 13:4

Ape joto do eṛeakʼ khudạuko kanape; ar jotoge ạuṛiyakʼren raranko kanape.

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

Sereńko 94:21

Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

Kạhtukko 12:8

Manwa cetʼleka budko khaṭao ona lekage sarhaoko ńama, menkhan peṛta hoṛ doko nihạ̃t ocokʼa.